政府圍封主教山清走設施 有晨運街坊無奈落淚：我淨係要健康咋嘛！

【獨媒報導】深水埗主教山的「晨運園地」，進入清拆的最後倒數階段。主教山自70年代起，有市民於山上自建設施，民政事務總署近年展開「清理」行動，指為「是深水埗區十多年來的『老大難』地區問題。本屆政府迎難而上，決心解決這問題」。 政府今日（8月12日）展開首階段清拆行動，一連三日圍封棠蔭街山邊休憩處的山腳至山頂一帶，只留下一道閘門供工作人員出入，期間市民仍可使用另一邊入口上山休憩，包括前往山頂的前深水埗配水庫。

現場所見，主教山入口附近及行山徑均已圍上鐵絲網，每道閘皆有保安及警員守候，附近停泊了「豬籠車」，山上亦有軍裝及便衣警察巡邏。當局指清拆後將重整斜坡，並於八至九月落成各類優化休憩設施。不過多名長年在此運動的街坊對清拆感到無奈與不滿，並對新設設施不抱期望，建議政府應先「落嚟聽吓市民心聲，睇市民需要乜嘢」。

神壇被清空 健身器材被搬走

早上約7時，已有大批警員、民政及地政總署等人員在棠蔭街入口附近守候，並陸續帶同工具入內工作。深水埗區議員陳龍傑向《獨媒》表示，今早與數名區議員以及身穿道袍的香港道教聯合會人士到山上，為神像進行搬移前的儀式，早上七時左右已完成儀式。

至早上約9時，擺放神像的壇位已被清空，有工人陸續搬出大型物件，如乒乓球枱、單車健身機及鐵欄等。

對於清理進度，現場的警察傳媒聯絡組僅表示非法建構物「已清得七七八八」，但不便透露進度，只能預計會於三日內解封。

突遭圍封街坊感可惜 質疑新設乒乓球枱「好阻碇」

今早，不少市民到場才發現未能內進，路上雖泊滿工程車，仍有零星街坊在旁邊的長椅拉筋運動或遛狗。深水埗居民陳先生常到這裏放狗，今天來到入口才發現棠蔭街入口被封需折返，得知神像壇被清走，他表示可惜：「啲神像喺度好多年喇，有啲可惜啦，同埋都有力㗎啲神像。」

另一位70歲的陳伯伯，退休後十多年來幾乎每日都會來做運動，對他而言主教山是街坊相聚的好地方。對於清拆行動，他希望政府能盡量保留地方特色，「唔需要清晒嘅」，認為政府「可以用自己一啲智慧嚟改吓佢，總之整到個地方安全咪得囉」。對於政府將添置的新設施，他則不抱期望，笑言：「睇吓佢點整囉，有陣時越整越衰。」

陳伯伯

圍封前數日，政府特地於山腳附近的大坑東遊樂場足球場旁新設數張乒乓球枱，陳伯指該些乒乓球枱設於路邊「好阻埞，冇乜作用」，指該處有不少人跳舞，添置乒乓球枱反倒令「個個都堆埋，行起來冇咁方便」。記者到現場視察，乒乓球枱設於球場旁邊的樹蔭下。當時正好有兩名街坊在打乒乓球，卻因乒乓球跌進鐵絲網內，需放下球拍，行至50米外的球場入口，繞過鐵絲網入內拾球。

晨運客出錢出力維護廿載 嘆平民無力反抗

至於山的另一端，近巴域街的山腳至山頂一帶的清拆行動預計將於本周六起一連三日展開，屆時將圍封有關地段。該處今日未見有政府人員執法，亦未見有清拆日期的法定告示，仍有街坊踢毽、健身，街坊一見記者便不住抱怨。

74歲的梁婆婆本身為兼職清潔工，過去20多年來每天都會來晨運。她指發現這個「健身園地」並時常到訪後，健康得到明顯改善：「好過去做物理治療！排一個鐘頭，做20分鐘冇效嘅，我都取消咗啦！（即使）唔使錢我都唔去政府做。」她自豪表示自己目前身壯力健，「一隻手一包十公斤米，返屋企都唔會喘氣」、「三十零歲仔都唔夠我行得快！」

梁婆婆和街坊多年來出錢出力維護設施，不但澆水、買掃把掃落葉，，形容「日日刷到呢度乾乾淨淨」，當作自己的家。提起心血將被清拆，她顯得既勞氣又無奈：「第一，冇拆過你啲地、冇斬過你一棵樹。以前呢度係爛沙路嚟，啲沙我哋搬嚟整，我哋個個禮拜要（為健身器材）加（潤滑）油，你政府有冇可能做到？」她透露曾多次向區議員反對清拆無果，無奈道：「冇辦法㗎！你啲平民，你只能夠喺度生存，就要適應呢個社會、屈服呢個社會。」她憤言：「如果呢次拆咗，班議員唔使止意我哋班晨運客選舉選佢！」

街坊聞清拆徬徨落淚

已在此處晨運25年的陳女士則分享自己從前腳痛，「睇醫生睇咗二萬幾蚊醫唔好，嚟呢度拉筋拉好咗。」面對清拆，她感到很徬徨，更一度哽咽：「而家點算呀？呢度保佑我哋健健康康㗎！」

陳女士直言憂慮失去運動空間後，將會影響生計：「我去邊度做運動啊？做唔到運動就攞唔到健康，點樣返工？如果我返唔到工，即係要我去攞綜援喇喎！我個仔仲讀緊大學，我有咩事嚟點供佢讀大學？我唔做嘢唔得㗎！因為我老公都老啦嘛⋯⋯我淨係要健康咋嘛！」

民政稱推7大優化項目 街坊促先聽民意

民政事務總署日前在社交媒體表示，會在窩仔山合適及安全的地點推進建設康體和休憩設施、加固斜坡等7大類型優化項目，包括修葺指示路牌、增設山上及安全位置的座椅、優化現有蔭棚、修葺山徑欄杆、更換一系列新的健身設施並加設安全地墊、進行地面平整工程，以及於山上與大坑東遊樂場增設多張乒乓球桌等，期望於8月底起至9月內落成。

不過有受訪街坊對新設施均表示不抱期望，陳女士直言「都要睇適唔適合我哋用至得」，建議政府應先「落嚟聽吓市民心聲，睇市民需要乜嘢」。