【獨媒報導】隨著人口老化，政府津貼長者「兩蚊搭車」的負擔愈見沉重，來度預算開支高達60億元，政府早前公布會檢討一個「可持續」。立法會議員管浩鳴今早在電台建議長者車費每程收4至5元，他指「老人家唔係每個都畀唔起」，即使減少津貼「可能有啲人唔開心」，但事實是「邊度搵錢派」。不少市民打上電話批評管浩鳴，有市民不滿他挑釁，令政府與市民對立，「做咩要咁多管制啫」，亦有聽眾不滿「（議員）啲腦筋，好似無嘢諗咁」。有長者直言一周只坐兩程車，「一個星期用4蚊咋」，斥管浩鳴「屈我哋啲老人家」。
「兩蚊搭車」的議題由昨日選委界議員陳紹雄的書面質詢再度引起關注，政府仍未掌每名受惠人每月坐車次數和金額，以及「長車短搭」確實情況。
管浩鳴（資料圖片）
管浩鳴質疑永遠兩蚊係咪可行
立法會議員管浩鳴今早在港台節目《千禧年代》表示，老年人口10年後增加100萬人，上屆政府的決定「未必當時係話錯」，但不料發生疫情，疫後經濟「復蘇又咁差」，他認為「每方面節約啲」，要思考「永遠兩蚊係咪可行」。
他建議每程車費收4至5元，變相減少政府的津貼額，他甚至認為可以由公營機構承擔津貼額，稱公營機構應盡「社會責任」。他指現時車費「除咗兩蚊無咩限制」，長者「跳上去，落去買餸都照搭」，本來政策原意是「退咗休去行下」，但有長者僅坐數個站便下車，令運動量反而減少。
管：邊度搵錢派
他表示香港財政「不能永遠咁樣」，即使「可能有啲人唔開心」，但事實是「經濟好時無所謂，以往恃住經濟好」而推出政策，但現時的經濟狀況要「小心啲」。他又稱「老人家唔係每個都畀唔起，例如部分老人家，可能都畀得起」。他建議政府有不同的補貼方法，必須思考未來10年長者人口增加三分一，「邊度搵錢派」。
聽眾李女士指出長者身體差，一星期出行次數有限，「唔係用政府好多錢」，有時因為多買日用品，不能長途步行搭短途車，政府應該體恤長者。她又批評「嗰個管浩鳴挑釁人哋，又話要管呢樣管嗰樣，搞到香港政府要同市民對立，做咩要咁多管制啫」，她指內地全免長者車費：「點解你個管浩鳴要對老人家咁多管制啊！」
市民建議向60至64歲市民開刀
另外有市民表示希望取消城巴開往邊境口岸的「B車」，以及將60至64歲長者的優惠減半，因為他們大部份仍有工作。聽眾李女士舉例，60至64歲「仲做緊野，來來回回乘車」，70歲以上長者「一星期都出唔到兩次街」，現時議員講法「一竹篙打一船人」，她批評「啲議員啲腦筋，好似無嘢諗咁」。
黃婆婆表示一星期只出街兩次，每次都選擇在非繁忙時段坐車，「唔會黃金時間同人迫車」。她買完餸會坐屋苑的穿梭巴士，變相一星期只坐兩程「兩蚊車」，「我同政府好慳㗎，淨係坐兩程兩蚊車，即係4蚊，一個星期用4蚊咋！」她批評管浩鳴「屈我哋啲老人家」，她沒有長車短搭，「工展會我都唔會，我好乖㗎」。