【獨媒報導】民主黨早前舉行特別會員大會，通過授權中委會進一步跟進解散事宜，將在數月內會召開特別大會表決解散。被問到解散「有無彎轉」，民主黨主席羅健熙稱經過一輪過程已向解散「越行越近」，已屬「即將邁向嘅方向」。另外，羅健熙表示，在民主黨解散後仍會繼續發聲，亦不會離開香港，稱即使沒有民主黨，仍然可以繼續進行社區、環保工作回饋香港。
羅健熙今早出席前立法會議員劉慧卿的網台節目，討論民主黨如何準備解散。二人一直未能正面交代解散原因，劉慧卿在節目中稱，解散並非民主黨「願意搞」。羅健熙則指民主黨在去年12月改選中委，人數更有所增加，原本希望繼續盡力做，包括就《施政報告》、《財政預算案》提出建議：「但有啲情況發生，大家見到嗰個平衡係轉變咗，焗住去做呢個選擇。」
羅健熙指「有啲情況發生」 強調解散不會拖住做
談到民主黨解散，羅健熙透露曾和不同人士見面，惟承認民主黨的影響力已不及過往，並形容「成個環境你做嘅嘢又好似實際上影響唔到好多嘢」、「另一方面又有其他事情有啲push factor」。他再次向記者致歉，稱目前未能透露更多詳情。羅健熙稱，即使多名中委不欲解散，但亦不會「拖住做」，「唔會做咗決定慢慢拖吓先」。
不過，羅健熙指民主黨去年12月改選的時候，有中委候選人遭到騷擾，「都係有各式各樣嘅影響」，稱外界或認為時勢沒有太大改變：「中委嘅判斷就係，見到有啲嘅唔同嘅事情、唔同嘅聲音，聽到啦，咪會有唔同嘅做法。」
表明無意移民 解散後或從事社區、環保工作
羅健熙表明，在民主黨解散後仍會繼續發聲：「只要我仍然有空間，可以講吓嘢。」他強調仍想「繼續有啲聲」、「有啲講法同香港人係應該接近啲」，認為現時擁有權力的人，其說法與港人並不貼近：「大家都會覺得，點解唔可以合理啲，同日常理解接近啲㗎呢？」
除了繼續發聲，羅健熙亦稱不會離開香港，指從來沒有想過要移民，因為生於斯長於斯，「香港呢個環境孕育咗我呢個人」，稱即使沒有民主黨，仍可以進行社區、環保工作以回饋香港。
民建聯批從不認錯 羅健熙：唔知點解有啲政黨特別關心我哋
民建聯副秘書長葉文斌今日在《明報》撰文，斥民主黨背棄當初路線，更走上「違法達義」之路，而且從不承認錯誤。劉慧卿即席問羅健熙：「想唔想道歉呀？咁多記者喺度。」羅健熙對此表示奇怪，「唔知點解有啲政黨特別關心我哋」。他認為其他人的說法不重要，「我哋都就嚟解散」：「佢應該幫自己諗吓點樣做好啲。」
被問到民主黨解散的程序，羅健熙預計，在未來數月內將完成行政、財務安排，並在法律上啟動解散程序，即委任清盤人處理相關工作。
非法集結案律政司上訴期限屆滿 將「去個旅行先」
在2019年反修例期間，羅健熙在尖沙咀被捕及後被控非法集結，在區院法院經審訊後裁定罪名不成立，律政司及後提出上訴。上訴庭在上月駁回律政司上訴，羅健熙透露，28日上訴期限已屆滿，「我理解嗰單案應該係完咗」，笑言將會「去個旅行先」。
在開場中，劉慧卿就稱該節目「都唔知搞得幾耐」、「盡力做」。多間媒體都有出席採訪，羅健熙慨嘆「臨執笠比較多人關心」。劉慧卿最後稱，即使民主黨解散，亦會繼續製作網台節目，包括與OurTV.hk合作的《議會內外》。