（獨媒報導）本港已實施「0+3」檢疫安排，行政會議召集人葉劉淑儀認為，食肆防疫措施可以先行放寬，隨着確診及入院人數下降，估計下月或會放寬至「0+0」。她承認，本港競爭力在入境檢疫限制下受影響，但認為可以追落後，而且更勝之前，「我哋城市嘅生活方式係有吸引力㗎嘛。有啲外國人去到新加坡，係覺得沉悶，其實跨國企業搬走唔返係極少數，好多只不過係因為出入唔方便，佢啲外籍僱員去咗第度住住先。」
指口罩令應該「遲啲鬆」 倡准現場表演
葉劉淑儀接受港台訪問，指食肆在目前最受影響，建議可先放寬食肆營業限制，另外婚宴的人數同可放寬，及可考慮容許現場表演。對於口罩令，她認為可先行保留：「口罩令我覺得應該遲啲鬆，因為口罩保護到我哋，亦都唔係真係咁辛苦呀，亦都唔係真係咁影響經濟。」
有商界要求「0+0」，葉劉就表示人人都希望復常，「邊個唔想復常啫？正如行政長官講，要睇數據嘛。」她強調，現時仍有逾2,000名確診患者留醫，須平衡對各方的影響，在確診患者及入院人數下降後，個人相信在10月內改為「0+0」：「我個人預測咋吓，唔係話有啲行會資料呀吓！」
重申本港具吸引力 背靠內地龐大市場
被問到「0+3」對香港競爭力會否有影響，葉劉淑儀認為競爭力已受到影響，「你出入唔到，航空公司都要請返啲機師啦。」她相信本港不但能追落後，更會好過以前，「因為我哋城市有我哋自己嘅吸引力，我哋的而且確係背靠內地龐大市場，我哋城市嘅生活方式係有吸引力㗎嘛。有啲外國人去到新加坡，係覺得沉悶，其實跨國企業搬走唔返係極少數，好多只不過係因為出入唔方便，佢啲外籍僱員去咗第度住住先。」
葉劉認為，商會希望政府盡快開關，正代表很想快點回港，「喺香港係睇到有生意做」。而與內地通關，她認為主動權不在香港，須視乎內地疫情是否反彈，「我哋一定係希望開放之餘，唔可以將我哋嘅風險傳畀內地，或者內地風險帶返入嚟。
葉劉：新一屆政府「做到嘢」 按數據放寬可取
本身是立法會議員的葉劉淑儀，她認為新一屆政府表現不俗，形容為務實、「做到嘢」及肯聽意見。她大讚政府有序地放寬，是回應民意，在過去三個月已按數據不斷改良抗疫措施，「你睇到佢反應好快，先取消熔斷機制啦，另外嗰啲飛機師隔離又取消咗，睇住佢根據數據放鬆。」
另外，衞生防護中心傳染病處主任張竹君早前表示，本港現時個案仍維持數千宗，「清零」的機會較細，新冠可能與港人並存。葉劉認為對方的意思不是放棄控制疫情，而是風土化、成為流感，「唔係有啲人染病，由佢哋理佢。」
被問出現移民潮 葉劉淑儀稱「移居素來都有」
本港近年出現移民潮，葉劉淑儀認為涉及多個原因，包括生育率持續下降，及單程證來港人士減少，加上多國包括澳洲、英國及加拿大推出移居當地的入境政策，「移居離開香港，素來都有，七十年代至到八十年代，至到九十年代，今次係不足為奇。」
葉劉認為，本港人口減少因目前無法通關，但相信在陸續開放後，香港有吸引力能令人回流，「呢樣我真係唔擔心，有人走亦都有人嚟」。至於已離開的港人會否回流，她就認為，取決於他們在離開香港前是否已賣樓，如果因為子女讀書或退休而離開，便未必回港。
她表示，香港如要吸引更多全球專才，便要採取較進取的政策，譬如新加坡的一條龍服務，即為專才便利簽證，為其子女尋找國際學校學位；建議當局列出缺乏人才行業的清單，並簡化入境程序。