【獨媒報導】新民黨去年有5人加入政府，主席葉劉淑儀亦要出招「搶人才」。葉劉周一（24日）在個人社交平台發佈影片，公開招聘畢業生擔任議員助理。她在片中指，希望請到長遠有志於公共政策，而非急近功利加入商界的人，更表明：「只要你唔係搵快錢，或者只想利用我係個跑道入政府嘅，你係有心學習，我歡迎你加入我團隊。」
新民黨立法議員葉劉淑儀周一傍晚在Facebook專頁發佈題為「誠邀有志年輕人加入我的團隊」的影片，公開招募年青人入黨成為其助理。她在影片中首先提問：「宜家暑假，各位畢咗業有冇搵工呢？無論你係學士抑或碩士畢業，唔知你有冇考慮嚟我葉劉淑儀嘅辦事處幫下手呢？」她再表示，因為團隊去年流失幾位「優才」加入政府，未來亦有數人將「有好好嘅出路」，所以希望再招攬年青人加入。
施俊輝（資料圖片）
去年5人加入政府
翻查報道，新民黨去年有5人加入李家超政府，其中葉劉前助理黃詠儀擔任發展局政治助理，其餘4人包括教育局副局長施俊輝、創新科技及工業局局長政治助理廖添誠、勞工及福利局局長政治助理傅曉琳及運輸及物流局政治助理陳閱川。
於2015年，曾與葉劉共同創立匯賢智庫的陳岳鵬三年內由政制及內地事務局政助升任副局長。葉劉當時接受電台訪問時曾稱感到心情複雜，指陳岳鵬加入政府後，更多年輕人希望加入新民黨，「不過發覺有啲（人）都係搵我做跑道。」
葉劉：報酬合理但不能與政務官相比
葉劉在片中特別點出希望招聘就讀公共政策或國際關係的年青人，「幫我哋國家喺外面爭取更多發聲空間，搞好國際關係」。她坦言「最好就唔好太急搵錢嘅人，對唔住」﹐並強調「我哋嘅報酬係合理」，但不能與政務官月入五、六萬水平相比。她亦謝絕期望「搵快錢」加入商界、或「只想利用我係個跑道入政府」的人應徵，希望對方是有興趣做公共服務及願意學習。她最後表示，收到履歷後如發現合適人選，將會親自約見。