【獨媒報導】剛過去的周日是世界捐血者日，立法會今早舉行捐血日，多名議員響應。醫衞局局長盧寵茂表示，本港的捐血人士佔整體人口非常低，首次捐血佔每日收到的血的比率亦下跌，由2014年16%跌至2024年的10%，呼籲從未捐血的市民獻出第一次：「如果你未捐過血嘅，應該考慮獻出你第一次，特別係我哋嘅年青人。」
香港紅十字會輸血服務中心派出流動捐血隊到立法會，吉祥物捐血隊長 Captain BLOOD亦有到場。多名議員包括黃錦輝、陳祖恒、陳凱欣、姚柏良、陳曉峰及李廣宇都有參與捐血。
指捐血無蝕底有著數 如同「廢物捐出嚟循環再用」
盧寵茂致詞時稱施比受更有福，捐血較捐其他物資更正確，「捐血無蝕底，而且係有著數」，因為接受輸血病人均患嚴重疾病：「我們無人想做受者。」盧寵茂解釋，人體紅血球只有120日壽命，過期後「自然回收」成為廢物：「你能夠將廢物捐出嚟循環再用，俾更加有需要嘅人，所以『施比受更有福』喺捐血裡面真係好適當。」
不過，盧寵茂指本港的捐血人士佔整體人口非常低，僅佔1.7%，更由2014年每年16.8萬人捐血，在2024年跌至12.8萬人，「呢個唔係一個好嘅現象嚟」。他又提到捐血人口老齡化，50歲人士捐血更佔每日三分一，「年青人嘅捐血比率越來越低」，期望透過公眾教育推廣捐血。
盧寵茂冀年青人捐血
此外，盧寵茂稱首次捐血佔每日收到血包的比率亦下跌，由2014年16%跌至2024年10%：「我哋每日收到嘅血，10包只有1包係第一次捐出嚟嘅人所捐出嚟，希望更加多嘅人可以獻出第一次。」他表示，紅十字會早前已加獎4,000人，在過去兩年捐血次數多於25次：「但我哋唔可以靠少數嘅人去支持成個香港血液需要，大家應該多啲參與。」
盧寵茂最後再次呼籲，從未捐血的市民獻出第一次：「如果你未捐過血嘅，應該考慮獻出你第一次，特別係我哋嘅年青人。」
立法會主席李慧琼則表示，立法會自1988年起與紅十字會定期舉行捐血日，向所有捐血者致敬，表達熱血助人的可貴精神。她呼籲市民響應捐血，「你今日嘅一包血就係為病人重現希望嘅力量」。