（獨媒報導）由政務司副司長卓永興統籌的「政府打擊衛生黑點計劃」已推行三個月。卓永興今（19日）在電視台節目上表示，食環署在7月成立19隊夜間滅鼠隊，至上月共捕捉約6,000隻活鼠，成效不錯。他提到食環署正研究使用新捕鼠方法，但不會考慮獎賞制：「你俾幾多錢？2,000蚊、3,000蚊捉一隻？真係有人可以去整一個老鼠農場咁，養一班老鼠俾你」。
使用鼠膠或影響無辜動物 卓永興：係一個取捨嘅問題
卓永興在有線節目《有理有得傾》上表示，食環署於7月成立了19隊夜間滅鼠隊，在7至9月期間共捕捉約6,000隻活鼠，較以往增加約5成，形容「成效都唔錯」。他指，食環署正研究使用新型滅鼠工具及鼠餌，利用熱能科技監察老鼠出沒，在情況嚴重時會用鼠膠。
節目主持人關注鼠膠或會傷害其他無辜動物。對此，卓永興則認為要取平衡：「究竟社會最大利益喺邊？鼠膠好多人都知相當有效，如果你話我又要捉老鼠，但我又要全部動物我都要關顧到，呢個有難度、係一個取捨嘅問題」。他表示鼠膠會在晚上使用，當局能「密密地巡」，若有動物不慎誤踩，當局亦能在短時間發現，及早介入。
卓永興早前巡查打擊衛生黑點（圖片來源：卓永興Facebook）
卓永興稱不會考慮獎賞制：真係有人可以整一個老鼠農場，養一班老鼠俾你
被問到會否仿效內地，使用獎賞制打擊鼠患，市民捉到老鼠後能有獎賞。卓永興則表示「唔係冇諗過，但你俾幾多錢？2,000蚊、3,000蚊捉一隻？真係有人可以去整一個老鼠農場咁，養一班老鼠俾你」，認為做法不簡單，當局暫不會考慮。至於全港性滅鼠行動，卓永興指會聯同各政府部門、私人屋苑、公共屋邨、滅鼠專家及食肆、街市等一同工作，詳情將在下月底前公布。
卓永興指店舖阻街罰款過低
談到他督導的「打擊衛生黑點計劃」，卓永興強調計劃「唔係做三個月就停」、「要持續做兩、三年，鞏固成果」；認為衞生黑點數量只會有增無減，現時已加至650個，不會故態復萌。
目前亂拋垃圾及店舖阻街的定額罰款為1,500元。卓永興認為罰款過低：「我阻街同掉個煙頭都係一樣罰咁多」，難起作用；又指若轉以傳票方式控告店舖阻街，判罰金額很多時亦低於1,000元。他表示政府將檢討罰則，加重罰款，於下月諮詢立法會意見，惟未有透露將加重多少。
卓永興：以前香港有少少好似皇帝女唔憂嫁
今屆政府多次強調「搶人才」，卓永興承認「以前香港有少少好似皇帝女唔憂嫁」，惟認為目前相關「搶人才」措施最重要是能傳遞訊息：「宜家係歡迎你嚟、好在乎你嚟」。
至於香港是否正處於「驚嫁唔出」階段，他則強調本港吸引力在於DNA：「香港其實係一個好好嘅地方」。