（獨媒報導）紀錄片《給十九歲的我》掀起爭議，發行商高先電影宣布電影2月6日起暫停公映。片中其中一幕是導演張婉婷於2016年日本亞洲場地單車錦標賽期間，訪問香港單車運動員李慧詩，但李撰文稱不滿「被通知」成電影一部分，更指對方當時發問「很古怪」。張婉婷日前受訪就自爆，原來當日進入比賽場地並無得到准許，「我哋好威武咁樣，扮自己有晒Permit（准許）咁入去㗎！」她強調必須「偷雞」：「呢啲唔得唔做，唔通唔拍咩？咁梗要諗橋啦嘛。」
自爆偷雞拍單車賽：好威武咁扮自己有晒Permit入去
由英華女學校委約、張婉婷執導的紀錄片《給十九歲的我》優先場勁收逾6百萬，但近日陷入爭議，片中受訪女生撰寫萬字文控訴校方未保護學生私隱；片中出鏡的單車運動員李慧詩亦撰文指控，稱無印象曾同意張婉婷將訪問用作紀錄片，自言是「被通知」成為電影的一部分。她在文中表示不太記得受訪情況，但形容對方發問內容「很古怪、跟比賽完全沒有關係」，自己暗忖「大概是她沒有經驗吧」。李慧詩更直言：「這部電影，我不會看，亦不鼓勵你看。」
《1圈圈》節目截圖
張婉婷今日見傳媒時，指自己曾與一名名譽董事交代拍攝目的，但或因溝通問題，無人向李慧詩解釋。張上月中接受商台節目《1圈圈》訪問，就自爆2016年採訪日本亞洲場地單車錦標賽原來是偷雞拍攝。片中主角之一馬燕茹是港隊單車前成員，由張婉婷主責和跟進。她在節目中提到，馬燕茹於2016年參加在日本伊豆舉行的亞洲場地單車錦標賽，攝製團隊隨她到日本拍攝。她自爆「我哋好威武咁樣，扮自己有晒Permit咁入去㗎！」主持追問「點樣扮法？」她笑稱：「冇掛嘢，入到去（工作人員）問我哋有冇Permit，我話『攞梗，喺上面喇已經』。」又説因爲一行人樣子純良，其後場地有人讓她們入内。
張指偷雞「唔得唔做」：唔通唔拍咩？
張婉婷越説越興奮，不斷講解「偷雞」秘技：「一開始畀咗我哋入去，就以後大家都覺得我哋係。我哋大大咧咧咁將啲攝影機擺晒喺軌道旁邊，要好莊重咁擺位，好似好professional咁，千祈唔好驚驚青青，要當自己係國際首席攝影師同記者。」她說自己當時沒有多加理會，將攝影機放到最近起點及終點的位置，「你見到我哋有晒啲教練衝晒去講嘢嗰啲，我哋都拍到喎！」
張婉婷（資料圖片）
張婉婷顯得意猶未盡，更自爆拍學生電影時已有「偷雞經驗」：「喺街偷電啊，扮市長簽名啊，靠住我哋嗰勇字」，透露曾在紐約拍攝期間扮市長簽名，「就拎晒啲permit嚟自己簽。」她強調必須這樣做：「呢啲唔得唔做，有時攞唔切，或者死都唔畀你，唔通唔拍咩？咁梗要諗橋啦嘛。」
稱無預料被學生指罵：我冇仔女，我點知人哋係會反叛？
對於有受訪女生不滿拍攝工作，張婉婷在節目中表示，沒有預料到有「反叛」的情況：「我冇仔女，我點知人哋係會反叛？我唔知幾多歲係會反叛。」張提到受訪學生就讀中三時突然罵她，「話識你老鼠啦…係閙得好勁嘅，有啲鬧到Cameraman都唔敢開機，因爲有少少粗口喺度」；又稱學生有意表現自己是個粗豪和有個性的人：「一見到面就XYZ你咁，好流利嘅。」之後有老師告訴她，才得知自己並非被針對，而是學生正值青春期喜歡講粗口。
作爲該校舊生，她又談到自己的成長經歷，稱自己「個樣好乖，冇人知道我係跩嘅」，經常與朋友在校内煮飯；又曾慫恿同學半夜出走露營，「但因爲乖樣啦，旁邊啲人俾人罰晒，我就冇事。後來覺得自己冇義氣，都會舉手認係我。」
【2月6日更新】張婉婷在2月5日暫停放映前，出席最後一場謝票活動。她再就事件回應記者，指她們抵達日本時未獲發許可，所以「搏住先」，及後已獲得許可。被問到有否向李慧詩表明訪問來意。張婉婷稱不可以親自聯絡運動員，至於為何不在訪問時道明來意，她稱時間不足，故即時進行訪問，指事前已跟領隊介紹。