（獨媒報導）不獲當局資助及提供場地的第32屆香港舞台劇獎頒獎禮，今晚以「私人活動」形式舉行。全晚氣氛熱烈，掌聲及歡呼聲不斷，不少人得獎時在台上感謝主辦方香港戲劇協會。
今屆頒獎禮在灣仔碼頭的Pier 1929舉行。（大會直播截圖）
方俊杰：香港劇壇一定可以繼續行落去
奪得最佳導演 (喜劇／鬧劇)、也是劇協幹事的方俊杰說，從前見很多人上台後會說「多謝劇協」，曾以為「啲獎係劇協定嘅」，後來成為幹事才發現所有獎都是評審決定：「但我仍然要好多謝劇協，因為你哋⋯⋯係我哋，我都有份。我哋排除萬難去搞呢個頒獎禮，令到佢今年仍然喺呢度發生。多謝劇協嘅所有人！」他說畢後，台下一片歡呼和掌聲。方俊杰最後稱：「我希望做更加多好嘅演出，香港劇壇一定可以繼續行落去。」
因不獲康文署提供場地，今屆頒獎禮在灣仔碼頭的Pier 1929舉行。方俊杰向記者分享，尋找場地確是一大挑戰——提名人數不少，協劇想過找劇場或正式場地，但覺得反正要改變，「不如飲飲食食，chill啲」；他指今次只能有200至300人到場，但有網上同步直播，希望可以補足。
至於今屆主持人改為由劇協幹事會成員輪流擔任，他說有關安排也是團隊想了很久，覺得既然是新嘗試，不如自己努力練習。環境艱難下，方俊杰說更加想希望續任劇協幹事會：「我今次第4次得獎，某程度上都係業界對我肯定？我覺得都需要回饋業界，劇協係其中一個方法。」
奪得最佳導演 (喜劇／鬧劇）的劇協幹事方俊杰
黃呈欣稱想告訴港府：舞台劇可賺錢，也可借古諷今
至於憑《植物人》奪得最佳導演（悲劇／正劇）的黃呈欣，就稱希望告訴香港政府：「我唔會亂講嘢啦！但我希望香港政府相信⋯⋯其實舞台劇係可以賺錢㗎！唔係淨係一啲business嘅嘢⋯⋯另外，無論係瘟疫定戰爭嘅時期，藝術都係需要㗎！我哋可以以古諷今，可以睇返歷史㗎嘛，所以，俾我哋繼續去發展我哋嘅香港舞台劇！我會繼續發展，我會繼續努力！」
黃又說，希望更多劇場崗位亦能設獎項：「因為劇協係會繼續搞落去嘅！」
《植物人》導演黃呈欣（左一）、最佳女主角 (悲劇 / 正劇) 趙伊禕
得獎演員稱讚「搞得好」、「飲住（酒）攞（獎），幾開心！」
憑《植物人》奪得最佳女配角（悲劇／正劇） 的陳頴璇得獎時激動流淚，並率先感謝所有劇場工作者：「仍然喺呢度，堅守呢個地方嘅創作同藝術。她又指自己會因為這次肯定，不再小看自己的能力：「亦都希望呢個地方，唔好再睇低自己嘅能力，繼續一齊笑到到盡頭。」
今屆獲最多提名的是藝君子劇團的《植物人》，共有9項提名，最終收獲4個獎項。
憑《從金鐘到莫斯科》奪得最佳女配角（喜劇／開劇）的王曉怡，就感謝劇協「搞得成件事，同埋做咗咁多嘢，搞得咁好」。
最佳男配角（喜劇／鬧劇） 余翰廷
《史家本第二零二三回之伏虎降龍》的余翰廷奪得最佳男配角（喜劇/鬧劇） 。他領獎時就笑言自己已經「飲咗兩杯」：「祿叔（指劇協主席）以後喺度搞（頒獎禮）！飲住（酒）攞（獎），幾開心！」
魯文傑憑魯文傑奪得最佳男主角 (悲劇／正劇) 。《撒旦狂筆》改編自真實歷史，講述薩德侯爵因書寫性虐題材被關精神病院，但仍不斷創作，魯形容「我哋唔係sell裸露，而係歷史嚟，唔俾你亂寫嘢，咁就寫嘢喺身上，堅持落去。對於我嚟講，一向都係無乜框架去創作。」他又預告，作品將於9月重演，同樣是一條褲製作。
＊＊＊＊＊
完整得獎名單如下
最佳製作 ：《史家本第二零二三回之伏虎降龍》
最佳導演 (悲劇 / 正劇)：黃呈欣 《植物人》
最佳導演 (喜劇 / 鬧劇) ：方俊杰 《史家本第二零二三回之伏虎降龍》
最佳劇本 ：一休《殉爆》
最佳男主角 (悲劇 / 正劇) ：魯文傑《撒旦狂筆》
最佳男主角 (喜劇 / 鬧劇) ：歐陽駿《史家本第二零二三回之伏虎降龍》
最佳女主角 (悲劇 / 正劇) ：趙伊禕《植物人》
最佳女主角 (喜劇 / 鬧劇) ：田蕊妮 《大離婚日》
最佳男配角 (悲劇 / 正劇) ：梁浩邦《我們所不知道的生活成本》
最佳男配角 (喜劇 / 鬧劇) ：余翰廷《史家本第二零二三回之伏虎降龍》
最佳女配角 (悲劇 / 正劇) ：陳頴璇 《植物人》
最佳女配角 (喜劇 / 鬧劇) ：王曉怡 《從金鐘到莫斯科》
最佳舞台設計 ：阮漢威 《從金鐘到莫斯科》
最佳服裝設計 ：譚嘉儀 《親愛的．柳如是》
最佳燈光設計：劉銘鏗 《從金鐘到莫斯科》
最佳音響設計：梁寶榮 《植物人》
最佳填詞：鍾志榮 《2月14》
最佳原創音樂（音樂劇） ：伍卓賢 《庵藏不露》
最佳原創音樂（戲劇） ：黃譜誠 《小島•餘香》
最佳化妝造型：王健偉、蘇善誼 《史家本第二零二三回之伏虎降龍》
年度優秀製作：《史家本第二零二三回之伏虎降龍》、《我們所不知道的生活成本》、《殉爆》、《從金鐘到莫斯科》、《植物人》、《愛我別走》、《塵落無聲》、《撒旦狂筆》