【獨媒報導】中環海濱昨今一連兩日上演世界場地越野車錦標賽（World RX Championship）最終站賽事，為首次在亞太地區舉辦。即使賽段比原定縮短一段大直路，亦無阻一眾車迷入場觀賞今日的決賽回合。
車迷吳先生一家大細和朋友一同觀賽，並向《獨媒》表示，人流較預期中少一些，建議增設更多餐飲攤檔及兒童玩樂設施，「令到啲無睇開車嘅人都可以參與」。吳惋惜道，如果增設本地車手的表演賽，相信氣氛會更好，並指「希望香港每年都可以舉辦呢啲賽事，最好就有永久賽車場，呢個係我哋嘅夢想」。
一家大細齊入場 稱應增設餐飲遊戲攤位
世界場地越野車錦標賽自2014年起舉辦，今屆開季以來曾在多國巡迴，最終兩回合賽事就選址香港，是首次在亞太地區舉行。大會前日（10日）臨時宣佈縮短龍和道一段大直路，令原訂約1,200米的賽道縮短至約800米，但仍未阻一眾車迷入場觀看今日的決賽回合，看台及草坪均人頭湧湧。
吳先生一家大細及他的日本朋友廣田先生一同入場，吳先生認為大會宣傳力度不足，令人流未如預期中多，並建議增設更多餐飲選擇及兒童玩樂設施，「令到啲無睇開車嘅人都可以參與」。
他笑言沒有留意車手名單及積分，主要是為了感受現場氣氛，「希望香港每年都可以舉辦呢啲賽事，最好就有永久賽車場，呢個係我哋嘅夢想」。他提到，如果有本地車手在進行表演賽，相信氣氛會更好。
吳先生（右）與家人及朋友廣田先生
他的朋友廣田先生則指，香港能夠在市中心舉辦越野賽，是在日本也較難見到的特色，但就可惜今次賽道較短，車迷的觀賽角度相對較少。不過，兩人都讚道票價十分合理，企位只需300多元。
撞期澳門格蘭披治 車迷留港支持惟嘆氣氛一般
車迷Patrick和阿中結伴觀賽，提到雖然澳門同日上演第70周年格蘭披治大賽車，但眼見是疫情後香港首場賽事，故特意留港支持。不過，Patrick就對賽道削走大直路一段感到失望，「見而家邊個入第一隻彎，就差唔多贏咗九成，無咗一條直路俾多啲變數」。
車迷Patrick和阿中
阿中形容今日「人流還可以，氣氛就差啲」，認為大會宣傳及營造氣氛的力度不足，未有嘉年華的感覺，「無乜booth啊，中間過場無嘢做，嘢食得兩三檔，無乜贊助商，我唔係唔想消費，係無嘢俾我消費」，認為最滿意只是票價，企位僅約300元；Patrick同意餐飲選擇少，笑言「lunch要叫foodpanda」。
阿中認為澳門賽事氣氛更好、配套更完善，而今日賽事與澳門撞期，惋惜不少本地車手及車迷均過了澳門。他強調對車迷而言，戰果未必最重要，而是氣氛，「其實你睇咩比賽都係睇氣氛，好似你睇演唱會咁，如果你淨係聽歌，你聽CD都得啦」。
瑞典車手Johan Kristoffersson蟬聯六屆冠軍
經過連番激戰後，瑞典車手Johan Kristoffersson最終奪得香港站冠軍，挪威車手Ole Christian Velby及瑞典車手Kevin Hansen則分別拿下亞軍及季軍。Johan Kristoffersson亦榮登2023年全年總冠軍的寶座，由政務司副司長卓永興頒獎。
