【獨媒報導】2019年7.21元朗事件中，前立法會議員林卓廷與6男被控暴動罪，今（26日）踏入第37天審訊。第三被告陳永晞供稱在鳳攸北街遇白衣人後，前往元朗站提醒市民小心，他曾到客服中心要求職員報警，以及拿急救箱。陳表示曾拉開與白衣人說話的閘內男子，法官陳廣池追問：「佢哋噓寒問暖？互相稱呼？稱兄道弟？定係大家火爆味重？」陳同意是充滿火藥味的對罵。陳表示閘外白衣人開始打記者，亦有白裙女子倒地遭白衣人圍住，有人說「大肚婆都打」。陳發現後方有人射水，由於他認為射水可阻止襲擊，於是拿起消防喉，然後「對住當時認為對我或者身邊人好大威脅嘅人噴水」。陳持喉約20秒直至閘外人後退，遂喉轉交他人。陳官一度指，片見「所謂大肚婆或者呢個女仔，似乎佢係跣低咗，唔係畀人打？」，並問：「相信嗰陣噴咗水？」陳澄清還未。陳官又指：「似乎佢（白衣人）打緊側邊嘅人，令到佢（女子）跣低咗，似乎呀吓，可能我睇錯。」
陳又指離開站期間，曾扶頭部受傷的「肥仔」出閘，並轉交閘外的義務急救員。陳官問：「唔覺得奇怪咩？突然有兩個人戴住醫學手套，拎住急救箱喺度出現？」陳回答：「相信係有急救知識嘅人幫人急救，佢哋係義務急救人士，覺得唔奇怪。」陳稱之後往車站控制室求助不果，陳官留意到控制室是全封式玻璃，並指設施並非打算接待乘客，「搭開地鐵就知道有啲係有窗，可以撳掣講嘢。」陳官問：「你話想同人講有人受傷，咁點樣達到目的？」陳同意未能達到，而「宜家睇返係幾愚蠢嘅一件事」。
陳：入閘上月台提醒市民小心、聽到大堂有人大叫
第三被告陳永晞第2日作供，繼續由代表他的資深大律師潘熙主問。陳昨稱案發時於德意志銀行任副總裁，並居於元朗 Grand Yoho。於2019年7月21日，其友人 John 相約吃糖水，兩人約10時見鳳攸北街休憩處有過百持棍白衣人。有白衣人用棍指嚇兩人：「你哋係邊個」，陳表示：「我哋係街坊，落嚟食糖水。」白衣人回應：「如果係街坊就快啲離開，今晚呢頭會有嘢。」兩人認為「要提醒有機會經過嘅人」，於是前往元朗站。
辯方今播放閉路電視，法官陳廣池留意到，兩人在步行期間不斷看手上電話，並問：「點解你哋兩個全程睇住手機？有咩咁大件事要睇住手機？」陳回應：「習慣嚟嘅，唔太記得。」
第三被告 陳永晞
陳表示，他於10時32從K出口進入元朗站，並往F出口走。陳約10時34分決定從G出口拍卡入閘，打算上月台提醒在元朗站下車的人小心及避開危險。辯方播放閉路電視，顯示陳於10時36分抵達月台。他指當時與 John 向四周的人講述在雞地遇到白衣人的情況，並提醒市民若路經該地或者離開西鐵站，需要小心。
陳其後聽到樓下大堂傳來大叫聲，他感到「好緊張，唔知發生咩事」，於是跑向樓梯前往大堂。陳官追問：「佢叫咩？」，又反指：「佢唔係唱緊高音呀嘛！」陳表示距離太遠聽不清楚。陳官亦問：「你冇聽到叫救命？」陳表示：「冇（聽到）咁仔細。」陳官再問：「你驚唔驚？」陳回答：「冇驚。」
陳稱見女士被追打 想方法阻止但反應不及
陳續指跑落大堂時，見下面有8至10名白衣人拿着木棍，追着一名女士打。閉路電視顯示時間為10時41分。陳官問：「佢未打到？」陳表示事情在一瞬間發生，因此不清楚。陳官又問：「你衝落樓梯，諗住做咩？」陳表示：「睇吓有冇方法阻止襲擊。」陳官追問：「咩方法？」陳表示不知道，「我一心想阻止，但係一瞬間反應唔切，諗唔到有咩方法。」辯方問陳到場後是否找到方法，陳表示：「搵唔到，我覺得自己可以做嘅嘢唔係咁多⋯⋯去到發現冇咩嘢做得到。」
官問「驚唔驚」陳：起初不覺得被針對
陳指自己唯有旁觀事件發生，並目睹白衣人除襲擊女士外，亦襲擊其他途人。其後有白衣人用棍狀物指嚇陳，陳立即後退。他又指：「相信佢（白衣人）見到我後退，所以冇再針對我」，並轉而襲擊其他人。陳官問：「佢講咩？」陳表示不記得。陳官又問：「有冇講粗口？」陳亦不記得。陳官再問，被白衣人指嚇之前「你驚唔驚」，陳表示：「我心入面想襲擊快啲停止，冇話好驚，覺得襲擊無針對我」，他又指：「我企喺側邊，until（直至）佢埋嚟先知道佢針對我，之後佢都轉移咗視線。」
陳官問：「你企喺度做咩？」陳回應：「我心入面想佢哋唔好打人，諗緊有乜嘢做得到，但係都冇咩可以做到。」陳官問：「你有冇大聲喝止？」陳表示有嘗試說「唔好打人」。陳官問：「係咪大聲嗌？」陳稱不記得。陳官又問：「John 有冇嗌？」陳表示沒有。
陳稱到客服中心要求職員報警 以及拿急救箱
約10時42分白衣人開始散去，陳見到起初被追打的受傷女士，身處洗手間與客戶服務中心之間的地上，於是陳上前了解，並見她頭部流血。
其後陳前往客服中心向職員求助，要求職員立即報警，以及拿出急救箱。他同時聽到途人說已經報警。陳官問受傷女士的衣服顏色及傷勢，陳表示不記得。陳官追問：「你第一次遇見咁嘅情況？」陳同意。辯方問陳：「你有冇報警？」陳表示沒有，並解釋：「我已經同職員講咗希望佢報警。我聽到身邊好多途人話報咗警，冇需要由我自己報多次。」
官問為何白衣人離開 陳：犯完法逃離現場係好合理
片見陳繼續在場徘徊，他解釋向職員求助後便「行嚟行去」等待警察到場，因「深信警察好快會到」。他又拍攝地上的血漬及斷棍。 陳官問：「點解白衣人離開咗？」陳表示：「打完人好明顯係一個犯法行為，犯完法逃離現場相信係好合理嘅反應。」陳官問：「佢哋可以未打完，佢全部人打晒呀？」陳表示：「唔清楚，我覺得佢哋打完人就走。」陳官又問：「你話佢有打其他人，其他人都瞓晒低？」陳表示：「只係得一兩個傷者。」陳官另問：「你有冇照顧受傷女士？」陳表示沒有，因自己無急救知識，且在場有2至3名途人正照顧傷者。
陳拍攝血漬及斷棍 官問為何不拍傷者
陳官問為何要拍照，陳表示：「當時諗住留個紀錄 ，冇乜特定原因。我等緊警察，無嘢做，攞手機出嚟影相。」陳官追問為何不拍攝受傷女子及其他傷者，陳解釋：「當時冇諗到，冇咁嘅念頭。」陳官又問：「你影相係自己諗法，不是人哋叫你做？」陳同意。
陳稱拉後與白衣人說話的男子 官質疑「噓寒問暖」定「火爆味重」
其後，陳後退並勸閘內人「褪後啲，安全啲」，同時用手輕輕拉住對方。片見林卓廷約於10時45分到場，陳稱當時見到林，並聽到他說已聯絡警方，自己則「相信警察好快到」。片見陳一度與身邊人交談，他解釋當時以為對方是林卓廷的助理，於是向他講述早前的襲擊情況，希望對方處理。後來在本案開審時，陳才得悉該人並非林的助理。
被告陳永晞（綠色衫）與身邊人傾談。
約10時51分，白衣人抵達閘外，陳聽到該處傳來鼓譟聲音。陳表示自己處於閘內人群之中，正「撳緊手機」。其後他見閘內一名攜背包男子正與閘外白衣人「講嘢」，於是陳勸喻男子遠離閘邊較安全。陳官表示：「你講得好文雅，你話兩人對話，咁一定唔細聲？」陳同意，但不記得對話內容。陳官問：「佢哋噓寒問暖？互相稱呼？稱兄道弟？定係大家火爆味重？」陳表示：「感覺到有啲火藥味。」陳官續問：「有冇粗口？」陳表示：「唔記得。」陳官遂指：「其實佢哋不是對話，係充滿火藥味嘅對罵？」陳同意，又補充指：「法官大人嘅措辭比我好，唔好意思。」約10時55分閘內有人打開雨傘，陳指早前閘外有人投擲雜物，故相信打開雨傘是想保衛自己。
陳指自己則在場徘徊，等待警方到場。陳官問：「點解你要等警察到？」陳回應：「警察嚟到事件就會好快平息，我就可以好安全離開」，他又認為當時身處的位置算是安全，「但係如果離開，其他位置安唔安全我唔清楚。」
陳：白裙女子倒地、有人說「大肚婆都打」
約11時陳聽到閘外有女子大叫，他抬頭見一名粉紅色衫男子，拿着藤條物體追打黃色背心女子。片段顯示，當時記者何桂藍正被打。其後一名灰色頭盔男子亦遭3名白衣人襲擊。陳官指畫面所見，閘內人數比閘外多；陳並不同意，並指鏡頭角度與實際不同。另外，陳見閘外一名白色裙女子倒地，被一班白衣人圍住，周圍有人說：「喂！大肚婆都打！」同時有白衣人走近閘口並拍打閘機。
一名白色裙女子倒地。｜來源：HK01
陳稱想阻止襲擊 故持消防喉向大威脅人士噴水
陳表示閘內其他人開始後退，自己則站得較前，他正想方法阻止白衣人襲擊。這時他發現後方有水噴出，回頭見到一名不認識的男子手持消防喉噴水。陳官問「啲水有冇射到你？」、「你企嘅位置有冇成灘水，容唔容易跣？」、「整過階段你有冇跣親？」，陳均回答沒有。
陳續指，自己當時「一路心入面好想搵方法阻止啲人繼續打人，阻止接近閘機嘅白衣人前進，想佢哋後退」，他見到有人手持消防喉噴水後，「嗰刻覺得呢個方法可以令白衣人後退，甚至阻止閘外襲擊。」於是陳拿起消防喉向前行，「對住當時認為對我或者身邊人好大威脅嘅人去噴水。」辯方問他希望達致甚麼效果，陳表示希望令手持武器的白衣人後退，並分隔付費區內外兩邊的人，同時想阻止閘外的襲擊。陳又指，水的力度不強，不是噴得太遠，而且方向分散，僅「叫做剛剛噴到閘外嘅人」。陳官亦問：「有冇諗過手指公撳住水龍頭，可以加強力度⋯⋯射得遠啲？」陳表示不清楚。
被告陳永晞（綠色衫）持消防喉射水。
陳稱見閘外人後退 於是將喉轉交其他人
陳手持消防喉約20秒後，見閘外人開始後退，故認為噴水有效。他覺得自己沒有需要繼續持消防喉，於是放手，將喉交給其他想要的人。陳官問：「點解要畀佢？」陳回應：「我覺得自己冇需要再揸住⋯⋯當時我被逼喺呢個位，而初步目的已經達到。」陳官又問：「嗰個人同你講『畀我』，定係你有默契畀佢？」陳表示對方做出「想要」及「想接過嚟」的手勢，即雙手攤開，手掌向上。陳官再問：「你有冇諗過閂水喉？」陳回答：「我成世仔第一次掂水喉，唔知點操作，唔知點閂。」陳官亦問：「唔係你開水喉？」陳同意。
白衣人散去約7秒後，又再次衝前靠近閘機。陳目睹手持消防喉的黑衣男子突然衝前，陳表示「我下意識覺得佢衝過去危險」，因此將他拉後。約11時02分，陳返回人群之中。
官：片見倒地女子「似乎係跣低咗，唔係畀人打」
辯方播放何桂藍拍攝的片段，當中有人說：「唔好打記者」，陳表示當時無聽到。片段亦顯示救護員正走向倒地女子，即陳所說的孕婦。陳官留意到女子與陳相距遠，相信他不能仔細看見，認為超出其目擊範圍，「除非用望遠鏡，否則睇唔到咁遠嘅場景。」陳官又指，從另一片段可見，「所謂大肚婆或者呢個女仔，似乎佢係跣低咗，唔係畀人打？」，並問：「相信嗰陣噴咗水？」陳澄清還未射水。陳官又指：「似乎佢（白衣人）打緊側邊嘅人，令到佢跣低咗，似乎呀吓，可能我睇錯。」陳官決定留待控辯雙方於陳詞中再描述。
陳稱扶受傷「肥仔」出閘 轉交義務急救員
約11時03分白衣人入閘，陳向着K出口離開，途中見到一名「肥仔」，似乎「行路暈陀陀」。陳在詢問後得知對方受傷，亦見他頭部流血，於是扶他從緊急通道出閘。期間他見閘外有兩名穿便服人士，均戴藍色膠手套，其中一人持急救箱。陳相信兩人懂得急救，於是將「肥仔」交給他們。陳官追問兩人的衣服顏色，陳稱不記得。陳官追問：「唔覺得奇怪咩？突然有兩個人戴住醫學手套，拎住急救箱喺度出現？」陳回答：「相信係有急救知識嘅人幫人急救，佢哋係義務急救人士，覺得唔奇怪。」
陳稱往車站控制室求助不果 最後離開
陳之後前往車站控制室，透過上方玻璃見裏面有人走來走去，於是打算找職員幫忙，告知有人受傷。陳官留意到控制室是全封式玻璃，並指設施並非打算接待普通乘客，「搭開地鐵就知道有啲係有窗，可以撳掣講嘢」；陳同意。陳官又問：「你話想同人講有人受傷，咁點樣達到目的？」陳回應：「事實上冇達到目的，宜家睇返係幾愚蠢嘅一件事。」陳最後見到有手持武器白衣人正從F出口衝往K出口，他擔心再有襲擊發生，約11時05分從K出口離開。
案件明續審。
7名被告均否認暴動罪，包括：時任立法會議員林卓廷（46歲）、庾家豪（39歲）、陳永晞（41歲）、葉鑫昇（31歲）、鄺浩林（26歲）、尹仲明（48歲）及楊朗（26歲）。
案件編號：DCCC 1106/2020、1132/2022（已合併）
審訊第36日
被告稱跑上月台時遭打頭 控方質疑：可能你哋自己人唔小心扑到？
居元朗被告稱去糖水店途中遇白衣人稱「今晚呢頭會有嘢」故打算往西鐵站提醒居民
審訊第35日
控方指被告與他人動作有默契、協助對方免受傷以繼續衝擊
審訊第34日
控方指被告「根本唔希望警察到」意圖留守自行對抗白衣人
審訊第33日
被告稱不能轉身跑因「做返男人應該做嘅嘢」 官：性別歧視、女人都保護到人
被告曾拾起水樽 控方指「就地取材」拿地上武器攻擊白衣人