（獨媒報導）過往每年六四，港大學生會均會洗刷國殤之柱和重漆太古橋，悼念六四死難者，惟學生會幹事會早前全體請辭，兩處地標亦先後被校方移除和抹去，今年再無人繼承傳統。有校友今回到地標原址拍照留念，稱會上傳至通訊軟件群組，藉此提醒自己和身邊人：「正正因為乜嘢都冇哂，更加象徵住佢曾經有過啲咩。」
余先生
已畢業6年的余先生今日因事回校，特意繞路至原擺放國殤之柱的黃克競樓平台拍攝。他稱希望提醒自己及身邊人「有啲咩我哋係仲有，仲可以做到？」余先生又指，即使國殤之柱「實物」已消失，相信其價值不會輕易被摧毀：「正正因為乜嘢都冇哂，更加象徵住佢曾經有過啲咩。」他希望港大舊生能透過交流及溝通，將回憶和價值傳承下去。
陳小姐和友人
將入讀港大的陳小姐，今日亦抽空與友人到太古橋及國殤之柱原址拍照。她苦笑稱，自己已漸忘橋上的大字，「淨係記得民主星火不滅」，故拍照是為了提醒自己，「未來只可以喺個記憶入面，搵返以前曾經係點。」
陳小姐讀中學時曾參觀港大，兩個地標對她而言是港大的象徵，但現時兩者都不復存在：「好emotional，我今年入嚟讀書，而今年係第一屆唔會見到呢兩樣嘢嘅人。」她嘆地標的消失「某程度上係社會現狀嘅縮影」。
保安尾隨《獨媒》記者採訪 拍攝近45分鐘
原放置國殤之柱的黃克競樓平台，今日長期有保安駐守。不時有路經平台的人舉機拍攝，保安則未有干預。惟在《獨媒》記者來往平台至太古橋近45分鐘路程間，兩名保安一直尾隨及離遠拍照，記者上前詢問原因時，對方僅稱自己是「巡邏」，又重覆自己「係照住我哋工作嚟做，我哋工作緊」，著記者自行向校方查詢。記者拍攝兩人時，女保安則大聲稱「你影我哋都冇用，影囉，互影囉！」
