【獨媒報導】港足在去年杭州亞運歷史性取得第四名，成員之一、後衛曾以行（Ellison）早前離港赴英升學，現時在英格蘭第七級聯賽球隊曼市聯（FC United of Manchester）跟操，力爭加盟該支位於曼徹斯特的球隊。曾以行接受《獨媒》訪問，透露曾向至少8間球會自薦，最終獲得今次機會，他表明會裝備自己，以最好狀態應對一切，嘗試走得更遠：「依家仲等緊就練得好啲、操fit 啲自己先，咁之後有咩安排，都可以最好狀態應對。」
現年20歲的曾以行，是港超聯球隊傑志的青訓產品，2021/22年球季首次為「藍鳥」一隊上陣，是去年港隊殺入亞運四強其中一員。Ellison 在香港理工大學修讀物理治療，今季轉投香港U23，原本打算邊讀邊踢，但最終有感無法兼顧學業與足球，遂決定放棄學位，赴英另覓機會：「我兩樣都犧牲唔到，我又唔會為咗讀書而完全唔踢波，但係又唔會為咗踢波而完全唔讀書。」
微博圖片
網傳穿曼市聯波衫證件相 曾以行澄清屬合成照
有網民早前「發現」曾以行轉投曼市聯，更流傳一張其身穿曼市聯球衣的「證件相」，他向《獨媒》澄清指是合成相，現時只屬跟操性質，網上僅有一張隱約看到其身穿曼市聯練習球衣身影的相片。Ellison 去年年底已赴英，到埗後曾聯絡至少8間當地球會，但獲回覆的僅有少數：「得一兩隊有覆，我當時send 自己CV 同埋啲精華片俾佢睇，都係搏佢會睇。」
在兩個月前，曼市聯跟曾以行聯絡及安排跟操：「跟咗幾課個領隊就話想簽我入隊。」然而，曾以行指辦理簽證比想像較麻煩：「上星期搞掂咗（international clearance），想註冊踢得上星期六嗰場比賽，點知個visa唔批。」
不過，曾以行表示，英國環境或更適合同時延續足球及讀書，所以選擇到曼徹斯特升學：「去探索吓，或者睇吓有冇機會可以踢到最好。最幫到我兼顧兩邊，而又喺高水平嘅球隊同比賽。」
後排左一為曾以行
指聯賽水平較香港高 惟戰術運用較弱
外流之路往往比本地更大挑戰，曾以行現時每星期隨曼市聯操練兩課，訓練時數較在港期間大幅減少，所以同時踢校隊以保持狀態。曼市聯的背景獨特，球隊由一班反對美國班主加沙家族入股曼聯的球迷組成，由最低組別踢起，現時已在英格蘭第七級聯賽北部超聯（Northern Premier League Premier Division）角逐，參賽的屬半職業及業餘球會。
曾以行認為聯賽競爭激烈，整體水平亦較香港高：「一季有好多場比賽踢，加上呢度嘅球員都好fit，跑得，其實睇gps數據都跑得多過、快過香港普遍嘅球員，強度都好高，依啲球員基本功同技術都好好。」
不過，曾以行亦指出，由於該聯賽屬低組別，所以在戰術運用方面較弱，比賽節奏亦較混亂：「如果要push 自己體能、速度同技術可能喺度會好啲，始終強度都幾高，但缺點就係戰術方面少啲，同埋冇咁多細節。」
談亞運「奇妙之旅」 曾以行：學識點樣去爭取贏波
港足在去年杭州亞運歷史性打入四強，曾以行對這段「奇妙之旅」仍記憶猶新：「當然實力有好大差距，呢個係大家都睇到嘅事實，但我覺得我地學識點樣去爭取贏波。」
每逢參與大賽，港隊都不被看好，在亞運擊敗伊朗令人刮目相看。曾以行亦有感而發：「我覺得最重要係，我地成日都覺得自己唔得，不論係外圍因素定自己心態，都覺得一定唔夠人地踢，但一場一場咁過去，就越黎越覺得係有得同亞洲強隊競爭。」
曾向謝家強請教 冀完成學業後返港延足球夢
另外，港隊早前補選同「外流」英國的謝家強，成為球隊出戰亞洲盃決賽周第26人，謝家強同效力第七級聯賽球隊拉德克利夫（Radcliffe FC）。曾以行透露，在效力傑志的時候亦曾向對方請教：「始終我都係希望explore 到自己最遠、最盡可以去到邊，同自己比較係最好。」
講到未來，曾以行則計劃在完成學業，即兩年後回港生活。那麼繼續踢職業？Ellison 則指，仍然希望「踢落去」：「始終踢足球係自己嘅夢想同興趣，有能力做，當然希望繼續做落去。」
記者：劉苑嫻