君主用人會有唯才，唯親，唯德，或今日的唯刷是舉。臣子也一樣，有選君主的心態，所謂良禽擇木而棲。
有讀過三國演義的讀者，有無曾經諗過點解荀彧荀攸會支持曹操？ 但係到廢帝時又會出聲反對致死？
世界上就有啲人係屬於王佐派，意思係佢哋會支持協助佢哋覺得有權力帝王之相嘅人。
亦有一啲人，好似關羽趙雲張飛咁，只要理念相同，又或者因為義理，佢地會甘心支持沒權沒勢的人。
當我地去思考點解會有兩類人，其實大家要記住百樣米養百樣人，仲有其他不同既個性原因。有玩過三國志既朋友仔，都聽過仲有才幹，發達，維持，割據，霸權，俠義，歸隱。
所以有時會見到有足球粉絲朋友，曼聯勁就撐曼聯，到曼城西利佢會撐曼城。他們沒有立場，只擇勝者附之。亦有曼聯粉，見明日黃花仍不離不棄，他們不以勝敗而以忠誠待之。
每個人，會有佢地既追求，每個人有佢既故事。對與錯，唔係我地去決定。未蓋棺焉能定論，歷史一直都在被勝利者篡改。
但係既然社會上有如此多不同既人，我地應如何自處？ 今日筆者有一個朋友，佢嘅另一半係警察，但係佢在抗爭卻站到最前線。可惜地，由於佢嘅另一半係警察，身邊嘅朋友都離佢而去。
朋友一意孤行的這個選擇，有問題嗎？ 筆者沒有頭緒。
他的另一半打人殺人無恥，值得我們憎恨。但這個朋友有沒有助紂為虐呢？ 假如來自一個如此的背景的人，還獨自去抗爭，然後又要回去面對他的另一半，我們應該是要尊敬他？還是憎恨他？
回想新疆西藏，他們的資訊沒我們流通，很多人都看不到大局，筆者可以估計，他們的抗爭者比我們一定更孤獨。那抗爭的同時，應該要互相支持鼓勵大家繼續向前邁進？繼續不割席？將那些身於亂世心繫大義既人吸納？
一或係將佢哋趕走， 推佢地到懸崖邊，令到佢哋嘅生活只能夠係對家圍爐？
大家試想一下，假如呢件事發生喺藍絲群組，有一個抗爭嘅家庭，出左一個反抗爭既妻子，佢哋會點呢？ 會推開佢？一或係將佢立成榜樣，視為義士？
筆者愚見，每天在用不同假新聞去說服人加盟既佢一群，會張開雙臂迎接。
多一個同盟永遠比多一個敵人好，看孫文與袁世凱為伍既歷史，呢個迷思，只要有天衝破，成功才有契機。
反正人在做天在看，有很多人身在曹營卻心在漢。不要因嗔心而放棄呢群人，他們總比在亂世不分青紅皂白好太多。
共勉之。