今日開兩個會，下午見運輸署、康文署了解東頭足球場改建項目，在原有足球場下新增一層地下停車場，同時改建足球場等康樂設施、園境。
幾年前，政府重新搬出「香港地少人多」大推造地，其實講來講去都係想人支持填海，而市區之內就主張所謂「一地多用」（其實香港人起樓一向都係「一地多用」，政府嘅市政大樓可以同時有車位、辦公室、體育館甚至泳池、街市，大家去話大埔、大角咀嘅市政大樓就會明）。所以從18年起，政府就選址元朗區東頭足球場作為「一地多用」的改造點之一。
改建東頭足球場，地面球場改動不大，只係做點美化又Update設施。重點其實係地下增加 190 個車位。
老實講，190個車位好多咩，而當中只有80個私家車位，其餘都係貨車位，電單車位只有10個。以今個改建項目來說，政府的「一地多用」似乎不等同「物盡其用」。既然打算動工，何不一次過起兩層，增加多少少私家車位呢？
又，既然要「一地多用」，而政府自2018年起就有此目標，點解政府又唔把握洪水橋新垃圾站大樓嘅機會，在洪水橋增建一個地下車場？剛好2018年，政府尚在洪水橋新垃圾站早期設計階段，仍有可改動空間，但政府並沒有物盡其用，也沒有「一地多用」。
所謂「一地多用」，根本只係宣傳口號多於實際效果。
（ ___啦，洪水橋垃圾站大樓起多兩層做公共空間都唔得呀，「一地多用」條毛咩）