（獨媒報導）深水埗主教山發現配水庫近日發現百年古蹟，曾任發展局局長的行政長官林鄭月娥，隨即拍片「訪問」同同期出任古諮會主席、現任行政會議召集人陳智思，吹噓任內的保育功績。陳智思在訪問中更稱，在出任古諮會主席時對文物保育完全不認識，又諷刺市民同樣「乜都唔識」，「我後來發覺，唔止我唔認識，大部分香港人都唔認識。咁多年嚟，香港人對保育呢個議題唔係好感興趣。」
陳智思質疑年輕人忽然保育 林鄭同稱奇怪
陳智思在2009年至2012年間出任古諮會主席，林鄭當時正出任發展局局長，她稱二人當時合作得最開心。陳智思表示，在2005年至2006年間的天星、皇后碼頭事件，「一批年輕人突然間，我好懷疑，點解咁多年嚟都無興趣，就嗰陣時有興趣呢？可能97之前大家都忙於面向97，無咩興趣講保育啦，可能前途都未知。」他認為，回歸後則有金融風暴、禽流感和沙士等，「就突然間社會穩定落嚟，就去珍惜返歷史。」
林鄭嘲該班年輕人奇怪，「我以為上咗年紀嘅人想記得返以前嘅生活係點。」她認為，年輕人關注保育，是希望和香港有更緊密的認同感。她打蛇隨棍上，又稱自己在處理皇后碼頭事件前，曾保育維港，「又係年輕人，主要都係年輕人，話點解要填維多利亞港，已經變維多利亞河。」
陳智思狂擦鞋 讚林鄭推動保育有功
林鄭當年曾到皇后碼頭會見保育人士，包括前立法會議員朱凱廸、嶺大文化研究系助理教授葉蔭聰和陳景輝等人，陳智思稱「Whoa！」二人自吹自擂，強調特區政府重視保育議題，陳智思更自詡，當年的歷史建築物評級制度是特區甚至港英政府從未做過的事，「嗰刻之後，喺你推動之下，我哋保存到好多幢建築物，仲俾到新嘅生命佢，全部都係你一手推動。」
林鄭：我已經係相當資深嘅政務官
在「訪問」中，林鄭形容二人的合作關係悠久，「你係90年代尾進入立法會，佢係o靚仔、立法會新丁，但係我呢，已經係相當資深嘅政務官。」林鄭曾任庫務局局長，稱當時在立法會財委會會議，自己坐在財委會主席夏佳理的身旁。
二人在「訪問」中一唱一和，陳智思表示，最深刻的是保育俗稱「大館」的舊中區警署，更識做地稱，「喺你推動下，可以保育到落嚟，都唔知你點做到，促成到馬會肯。」林鄭亦隨即上身，稱在任職民政事務局秘書長時，已希望馬會能在回歸十週年時「送份大禮俾香港人。」林鄭最後重申，當局將會全力保留深水埗主教山配水庫，讓港人享用。