（獨媒報導）油尖旺區議員陳梓維日前（1月14日）在 Facebook 專頁發文，稱自己通知前油尖旺區議會主席、民建聯葉傲冬處理寶發大廈外牆污跡。陳梓維向獨媒稱「搵葉傲冬只係其中一個手法」，又指自己「不嬲都係我行我素」，強調會用任何方法協助街坊。油尖旺區議會副主席、公民黨余德寶則強調油尖旺民主派區議員「應該係一個 team 嚟」，不應以「我行我素」作藉口，「你唔同我哋合作嘅話，點樣可以發揮最大嘅化學效果同力量呢？」
陳梓維1月14日在 Facebook 專頁發文，稱自己「通知我對家」前油尖旺區議會主席、民建聯葉傲冬，處理寶發大廈外牆污跡。
陳梓維的處理手法引起爭議，民建聯更發文嘲諷「陳梓維強烈推介要幫手都係搵民建聯」。他事後曾解釋稱「唔係唔識幫街坊，而係頂假保安員表明不會通知及法團」，只能透過民建聯來聯絡大廈業主立案法團，並強調通知民建聯只是其中一項跟進方法。現屆油尖旺區議會副主席、公民黨余德寶更兩度發文指責陳梓維：「你唔識，可以搵我們同事幫手，而唔係去民建聯。請好好反思一下。」
民建聯發文嘲諷「陳梓維強烈推介要幫手都係搵民建聯」。
陳梓維：搵葉傲冬只係其中一個手法
獨媒分別向陳梓維和余德寶查詢事件，陳梓維辯稱「搵葉傲冬只係其中一個手法」。他透露曾聯絡民政事務處、向業主立案法團出信和透過街坊網絡去找出業主立案法團。
對於余德寶的批評，陳梓維則回應每人也有不同的處理手法，「可能我會唔認同，我應該係儘快為街坊解決最憂心嘅問題」。他指因近日油尖旺區武漢肺炎個案有上升趨勢，街坊擔心外牆污跡可能是由糞渠洩漏，擔憂會引發社區感染。他又指早前向業主立案法團出信後，反被對方改圖嘲弄，所以才會找葉傲冬解決事件。
油尖旺區議會副主席、公民黨余德寶兩度發文指責陳梓維，第一則是「你唔識，可以搵我們同事幫手，而唔係去民建聯。請好好反思一下。」
陳梓維：我不嬲都係我行我素
余德寶之後（1月15日）再於 Facebook 發文，批評陳梓維沒有好好檢討，仍覺得自己沒有問題。陳梓維堅稱「我承認處事手法有顛覆成個政治圈嘅生態」，做法可能未能獲其他民主派認同，但他強調出發點是為街坊著想，而非政治考慮﹐「我係唔會因為政治立場而去犧牲街坊嘅健康」。
被問及會否因此而影響區內民主派的關係，他則稱「我不嬲都係我行我素」。他補充，任何能夠幫助社區的方法都會嘗試，批評部分「抽水」的政治家是政治凌駕一切。記者追問日後會否再有類似的做法，陳則回答：「任何可以幫到街坊嘅方法我都會去嘅」。
陳梓維1月14日同日發文回應亦曾提到「通知民建聯只是作出跟進的其中之一項」。
余德寶建議請教資深議員、多聽街坊意見
余德寶亦笑稱陳梓維做法「都顛覆埋我嘅思維！」他指陳梓維事前沒有詢問區內民主派議員，他們亦是事後才了解事件。他指理解素人可能未掌握一些社區事務，但可請教資深前輩。他稱即使自己身在公民黨，以前亦會向民主黨的前輩討教，但從未向建制派請教。
他補充，如陳梓維的做法是能夠被市民接受，那就沒有問題，但如今造成迴響，作為同事希望提醒對方處事更加理想，「如果我哋嘅意見唔適合佢，咁居民嘅意見又會唔會聽呢？」他建議如陳梓維認為民主派區議員意見不適合﹐則需多聆聽街坊的意見。
余德寶第二次發文回應今次事件。
余德寶：油尖旺民主派「係一個team嚟」
對於陳梓維堅持「我行我素」，余德寶指在協助街坊的本質上是沒有錯，但強調油尖旺民主派區議員應「係一個team嚟」。他指，油尖旺民主派過往在8.31太子站獻花，甚至警務處處長鄧炳強出席區議會等事件上都有作出溝通和分工，而不是以「我行我素」作為藉口。他強調每一個行動都需要民主派的區議員配合，勸誡陳「你唔同我哋合作嘅話，點樣可以發揮最大嘅化學效果同力量呢？」
余坦言區內民主派就陳梓維的行動亦有不同反應，他指油尖旺區區議會主席林健文亦已介入及作出協調，可能會就事件與陳詳談，商談改善方法。