（獨媒報導）兩年前，「社區前進」派出5人參選區議會，結果五個參選，五個當選。兩年後，組織解散，5人先後辭職及遭DQ，當中包括朱江瑋。朱江瑋昨日結束辦事處，他到垃圾站丟掉直幡、大聲公，下月將在區內商場開舖轉搞生意。
朱江瑋接受《獨媒》訪問，「縱使唔再係區議員，但留下來就係為咗篤眼篤鼻，成為同民眾有關係的人，繼續做改變社會嘅螺絲。」
位於金山商業大廈的「蕭朱辦」，原本是朱江瑋和蕭德健的聯合辦事處，後者在7月已辭任油尖旺區議員。朱江瑋昨日和朋友收執辦事處東西，將地方交還業主。
自今年年初，區議員宣誓的消息傳出，朱江瑋已認定無法完成今屆任期，在2月便籌備「香港人清酒」計劃。他透露，曾睇過至少五間補習社以作頂手，「但喺過程度中認識到自己嘅唔得，係連做行政都無動力，亦都知道自己想做啲乜嘢。」
「香港人清酒」寄存離散 嘆斷懸式離開
今年44歲，朱江瑋這個中佬自言年紀大，已追不上潮流，但較會未雨綢繆。他亦已認定，離職後無法重回老本行，非政府組織及社福機構工作都不再是選項，遂決定搞團購，頭炮是「香港人清酒」。「嗯，支酒原本係想賣畀想離開香港嘅人，但無奈嘅係，香港人已斷懸式離開。」
計劃不似預期，朱江瑋感受到的是，離開的人充滿恐慌、遺憾、痛苦和內疚，「呢支酒其實就係為咗呢種離開嘅儀式，叫做寄存佢，留一個寄託、感覺。」為甚麼是清酒？朱江瑋認為，紅酒屬於西方人，西方沒有太強的離散觀念，而清酒最能和鄉土扯上感情和關係。
六四堅持開街站派燭蠟 朱江瑋：同自己交代
「喺呢個世代，做嘅嘢可能有啲用，但更多係同自己交代。」辭職潮後，再迎來解散潮，教協、支聯會和職工盟的解散，對朱江瑋造成很大衝擊，他見證三個組織由有到冇，「佢哋就係1997年之前堅持留低嘅人。」
「呢大半年，我明白到自己想成為點樣嘅人。嗯，即係哈維爾所講嘅『磊落真誠』。」自今年年初，朱江瑋一直在反覆確認，自己能否知行合一。今年六四當日，身邊的人都喚他不要開街站和派燭蠟，但朱江瑋仍勇往向前，「我驚被人拉，甚至預咗嗰晚喺臭格過。雖然好坦白講，無人會在乎我咁做，但我真係要咁做。」
在當選前油尖旺區議員之前，朱江瑋在社區組織和勞工團體打滾多年。在2017年前後，朱江瑋試過同時打三份工，在浸大當研究助理，並兼任勞工教育及服務網絡和作內地研究，收入有近四萬元。
區內開舖賣台灣水果 冀成街坊的「街燈」
此一時，彼一時，帶住前區議員這個身份，現在很難找工作。在11月中，朱江瑋將會和朋友在旺角區內的 W Plaza 開舖，延續現時的團購業務。
店舖將主打售賣清酒、台灣水果、由手足製作的飾物，及偶像周邊產品。朱江瑋笑言，要學習酒的知識，並要提升生活品味，「要學飲酒，好難。以前飲酒係為醉同減壓，依家要細嚐味道。」
此外，朱江瑋日前到赤柱監獄探望戴耀廷，二人不約而同有一個想法：2019年當選的區議員，是有史以來最得民心，並且是和民意最近的選舉。「區議員同和社區嘅關係從未如此深刻過，我希望可以做一個街燈嘅角色，同街坊一齊走落去。」他認為，在辦事處執笠的過程中，已充分體現該種精神，有信心能在「新舖」延續支持。
