紅磚屋︰行過細細間唔覺，原來紅磚屋係九龍最古老嘅水務設施，係香港一級歷史建築，屬於殖民地新古典主義設計建築。
油麻地戲院︰雖然依家依到做戲曲，但以前係播三級片！
菓欄︰聽我六十幾歲嘅老豆講佢細個嗰陣菓欄唔單止有水果賣，重有豬、有雞、有家禽賣……
百老滙電影中心︰約朋友出街時最鍾意就係喺電影中心個CAFE打躉，睇吓書當自己係個偽文青。有次喺到睇完電影重見到劉青雲同郭藹明，立即捉住佢哋影相。
油蔴地警署︰油麻地以前叫「油蔴地」，行去睇吓警署門口寫嘅「油蔴地警署」就知。
天后廟︰正常嚟講天后廟通常喺海旁，但油麻地間天后廟喺到咁入。可想而知填咗幾多海。
廟街牌坊︰細個同屋企人行過廟街·總係會嗲佢地買手指頭公仔。
油麻地停車場大廈︰記得自己重係個細路仔嘅時候好鍾意坐喺巴士穿過油麻地停車場嘅感覺～好似玩過山車咁！
