（獨媒報導）警務處處長鄧炳強今日到訪灣仔區議會，他於會後見記者時再暗批《蘋果日報》報道為「假新聞」。他自己作為警察，不關心是否有「假新聞」，但指報道涉及煽動仇恨，更有可能引起國家安全罪行，「我想唔理都唔得」、「如果你內心清楚知道自己犯咗法，你唯有喺屋企等俾我哋拘捕」。
鄧炳強劈頭就不點名有媒體「生安白造」假新聞，包括指奧斯卡男配角得主丹尼爾卡魯亞（Daniel Kaluuya）發言支持香港暴徒、將政府疫苗氣泡扭曲成內地社會信用系統，以及在反修例報導中污名警察，批評報導製造矛盾。他又炮轟香港記者協會以報導角度為由，拒絕承認假新聞，「將冇發生嘅嘢講成有發生，是否就係佢哋所講唔同角度報導呢？相信公眾自有定調。」
隔空回應FCC 稱假新聞唔關自己事
香港外國記者會主席瑞凱德昨日出席訪問時指，鄧炳強無任何角色打擊假新聞。鄧炳強隔空回應指自己只是警察，「你自己專業入面係咪假新聞，呢個係道德判斷、公信力判斷，係唔關我事。」他又強調假新聞可引致煽動仇恨、分化社會，甚至有機會引起國安全罪案，「我想唔理都唔得。」
"The police don’t pass laws, the police implement the laws that are here. So it’s not for the police chief to say, that there’s going to be a crackdown on fake news. He can’t do that." (Keith Richburg, 10 May 2021)
鄧炳強：或向民陣採取執法行動
被問及警方是否已掌握資料指控《蘋果日報》違反國安法，將展開取締行動，以及警方是否一直與未有社團註冊的民陣合作。
鄧炳強稱「唔係特別針對邊一個媒體嘅」，但指「如果你內心清楚知道自己犯咗法，你唯有喺屋企等俾我哋拘捕」。他又指已收到民陣的回覆，但當中沒有提交要求的資料，將律政司研究下一步行動，不排除有執法行動。
對於叫喊「結束一黨專政」口號是否違反國安法。鄧炳強未有清楚交代，只稱需要視察乎場合、叫喊後的反應及當時的動機。