週四, 2012-01-05 03:20 — 坪洲 Peng Chau
政府在2011年01月04日公佈25個填海選址及其方式，
4種填海方式有10個選址在離島，
包括在坪洲 ‧ 喜靈洲700公頃連島方案及長洲南建1500公頃人工島等方案。
翻查官網資料，資料顯示有多場諮詢活動，部份已經舉行完畢，
餘下來的公眾論壇、專題討論將在2月底前舉行，
可是在多場諮詢宣傳活動中，卻沒有一個在離島區內舉行，
政府這樣的假諮詢，不是第一次了。
要數最接近離島的活動，就要數有一個在中環舉行的巡迴展覽剛剛結束了，
不過展覽場地卻非常隱閉，位於中環8號碼頭，即已停辦的紅磡線碼頭，
大多數離島渡輪、天星小輪乘客前往碼頭也毋需經過這裡，
而且在近月亦未曾發覺有相關單張海報張貼在離島碼頭宣傳，
試問又會有多少離島居民曾得知政府這樣“諮詢”過呢?
後記：
根據資料顯示，有3次所謂聚焦會議小組曾舉行，可惜未能在網站內找到半點活動資料。
相關活動宣傳poster
放大Poster：http://www.landsupply.hk/PEPoster.php?lang=cht
【離島10選址資料】
官方網站：
【優化土地供應策略】http://www.landsupply.hk
文章同時刊載於：坪洲新聞 Peng Chau News BLOG
http://pengchaunews.blogspot.com/2012/01/blog-post.html
回應
根據官員資料顯示，有3次所謂聚焦會議小組曾舉行< 公開給公
根據官員資料顯示，有3次所謂聚焦會議小組曾舉行<
公開給公眾參與的包括專題討論, 巡迴展覽, 公眾論壇, 而聚集小組討論其實係for特定團體, 據知其中一場for環保團體, 另一場for測量, 規劃專業團體。
至於所謂25個選址係尋日(1月5日)第一次攞出來講, 之前果幾場諮詢會都未討論到, 同時, 如果按政府講法, 未到揀選址的階段, 而且就算已經決定選址(假設南丫島), 到時亦要就每個選址搞研究報告, 同地區諮詢,
問題在於官方連舉行日期等基本資料也沒有列出
問題在於官方連舉行日期、出席團體等基本資料也沒有列出
如果唔係有個PPT其中一版有講, 根本唔知有搞過
尋日係4/1, 政府一直個IDEA都係維港以外，即係非港島及九龍啦，咁換言之填海都係講緊新界同離島
咁佢要做諮詢，就好應該去呢類地方搞下諮詢，況且話就話尋日島公佈選址，但係咪真係到尋日先決定到?
之前可能未討論到啫, 但由11月至宜家都成2,3個月, 佢要出張POSTER話喺離島搞諮詢係咪咁難?
宜家就係正正未決定係喺邊度, 係咪更加要俾附近居民理解更多個方案呢?
唔應該等決定咗先至嚟地區諮詢
填海還是堆填？赤鱲角定係馬灣？
發展局在去年11月提交給立法會發展事務委員會的文件有呢段,
5. 在 物 色 填 海 地 點 方 面 ， 我 們 已 與 相 關 政 府 部 門 制 定 一 份 選 址 限 制 清
單。這份清單有助識別填海「止步區」和嚴重限制區，方便進行覓地研究。
至於發展岩洞方面，我們現正檢討某些公共設施是否適合遷至岩洞。我們
正根據仍在陸續進行的第一階段公眾參與活動中所收到的意見，致力定出
一份有25 個可作填海地點及20 個可作岩洞發展地點的清單。
http://www.legco.gov.hk/yr11-12/chinese/panels/dev/papers/devcb1-323-1-c.pdf
在有關"咨詢"以外,還可討論的是一些assumption的問題,例如人口數字的推算可靠程度,及"每年600萬至700萬公噸額外填料"(即各建築工程的"廢料")這個"事實"。(見昨日當局發表的power point) 填海變成處理這些"廢料"的手段(甚或處理"廢料"已成為填海的一大推動因素!)其實減廢才是硬道理－－這又回到地產／工程的利益問題。
順帶一提，當局在簡介各選址的＂關注事項＂時，對一些沿岸地點提及當地社區融合的問題，可在涉及離島的選址時，鮮提及各原有社區＂被融合＂的問題，而這才是關鍵。
拿坪洲－喜靈洲方案為例，究竟主事者心目中的工程是赤鱲角式的將現有島嶼移為平地？還是馬灣式？（原社區沒被連根拔起）根據前述＂關注事項＂，當局一方面沒有提到社區融合的問題，另一方面則表示關注喜靈洲懲教設施的影響，是否表示要將坪洲移平？由於這類關鍵方向都缺乏，此刻不可能認同這選址＂存在可行性＂。（筆者是坪洲居民）
@坪洲 到過佢之前其中一場專題討論入面有提過團體,
@坪洲
到過佢之前其中一場專題討論入面有提過團體, 之類都"好似"有傳過,
至於點解11月開始, 到而家先講到選址, 其實你睇返4場topic, 頭兩場係想講左係咪1.真係唔夠地2.係咪真係要填海先...
換句話, 而家好多人質疑2039年890萬人口堅定流其實應該係過去兩幾個月就去討論, 而在舊年11月林鄭出來亦已經拎左890萬呢個數字出來討論, 亦有傳媒報導過, 問題係有冇公眾關心過? 但今日出來插的團體, 據除左環保觸覺, 土地正義聯盟出席左其中一兩場外, 其他係當日果兩場討論都無出來(如有錯歡迎糾正), 係到講選址果下, 大家先開始關注件事?
再講, 雖然政府否認, 但睇果25個選址, 有好多都「擺明」係攞來「亞位」一定唔會實行, 而每個選址個規模亦好大機會唔同左, 尤其果個長洲南1500公頃巨島, 政治同規劃上根本唔可行, 個人覺得即使要填, 亦只會係20-30年後, 反而馬料水果d近岸填海才係實在。
PS: 維海以外填海唔代表一定要係離場or新界, 好似沙灣同石澳選址其實都係港島
No Offense
我只係純粹攪下笑的:
NASA 執行火星探索任務前, 都好應該去火星咨詢一下......
我覺得離島嗰啲全部都係dummy，除非政府係想起珍寶島，然
我覺得離島嗰啲全部都係dummy，除非政府係想起珍寶島，然後將監獄，戒毒所，精神病院，發電廠，焚化爐等等nimb設施搬晒入去，然後收返市區呢啲地起樓。否則AB類都係無任何可行性。
優化土地供應策略 - 公眾論壇（網上直播及專用討論區）
第一場公眾論壇將於2月4日（六）下午2:30舉行。為方便未能到場的市民參與討論，三場論壇均設網上直播。大家由現在開始及活動進行期間可以到活動專用討論區留言或提問，公開討論環節時主持人將隨機抽樣讀出，歡迎提出您的寶貴意見。請按此進入網上直播討論區