文：鄭佩珊
圖：葉家豪、鄧宗弘
葉家豪，入行兩年，這40多天碰上人生中最大的新聞。他自命和平使者，遇不到大事件，只能揼心口說遺憾。早陣子還埋怨工作流水作業，9月人人舉起一把傘，朋友問：「世界大事喇！你影過啲乜嘢？」他卻答沒有，「嗰下有啲慚愧」。
翻翻報章，大事件明明有他的鎂光燈，只是留下來的，不只有相片。
9月26日雙學突然闖進公民廣場，葉家豪也跟着走。人人擔心學生捱飢抵餓，圍欄外頭的大嬸託記者人肉運送糧水，葉家豪拒絕，大嬸直罵：「你咁冷血。」他大槪有5秒不開心，身分掙扎是問題，重點是「我當時真係要影相」。
後來，葉家豪跟廣場內那個圓圈內的留守者借了幾口尼古丁，突然驚覺，「我同佢都係人，都有基本需要，係咪好多嘢都放得低呢？」然後偶遇朋友送麵包，他就轉交同事，「你拎啲畀行家食，大家肚餓，佢地食唔曬，擺喺地下先囉」。畫公仔要畫出腸，「大家明啦，咁大包，裏面有幾多個行家啫」。警察最終制止行動，他不解，「你見到有個人肚餓在街邊，我唔理佢著制服，乜都好，我都會問：你要唔要食嘢？」
鄧宗弘攝
離開公民廣場不過一日，9月28日葉家豪重回金鐘，目睹一個又一個香港人走出干諾道中，有年輕人，還有更多中年人，他們向路上的汽車解釋，有人慢駛響號，有人開窗拍手，背景是下午的陽光，他腦海響起激昂的管弦樂，「畫面好有電影感，似荷李活片」。葉家豪哭了，他一直跟進佔中新聞，見證運動的高低起伏。「原來係有人冒住犯法等風險去爭取民主，好感動，講呢句好老套。」他說，「真係喊，點會唔喊？」
嘭，第一枚催淚彈來了。「第一下係慌，無經驗，你唔知曝光係幾多。爆光又唔靚，太暗又唔靚。你要喺好快反應，搵最啱exposure。」在天橋上拍攝的葉家豪只有一條揸得出水的汗毛巾，警員勸記者離場，他走進中信大廈躲避，這是最錯誤的決定。看着相機的檔案，他滿心歡喜向主管匯報，「乜相都齊」。最終，原來獨欠了白煙過後，人群四散，馬路空空如也的一刻。「唔使死嘅位，留多陣啦，頂多係口水鼻涕。如果再嚟多次，啲相齊曬，全版都係我。」
又過了兩星期，佔領者重奪旺角，葉家豪被借調至拍片組，心口即時被揼了幾槌。「拍片好抽離，你唔需要喺一個好前的位置，同影相唔同。」佔領者要設置路障，叫他不要拍。「有時佢哋搞錯觀念，覺得記者係幫佢哋。你做一件犯法嘅事，但為咗正義，所以我哋唔應該拍低佢？」葉家豪繼續舉機，還說：「總之呢度係公眾地方，我無需要去保護你。」
同事聽其言論說他型，葉家豪確實像型棍，腰間吊着一個黑配粉紅的自購頭盔（公司提供的頭盔，屬多年前購入，據同事說，保護膠已過期），嘴裏總叼着一口手捲煙。旁人說他輕鬆，他反駁，「我full alert，叼住支煙係咁巡，因為你唔知會發生咩事，唔知邊個位影係最好」。主管來電，他還會緊張兮兮，「好似有啲事發生」，老馬反而輕鬆回敬： 「 係咪有人自焚？唔係嘛，咁你放鬆啦。嗌交出過無數次，又唔係拆路障，你記住，你每日只係要一張相，最緊要知道張相做乜。 」
葉家豪說着，又捲了一支煙，「過咗今次會好啲，真係經驗，要浸淫，要了解，唔係咁簡單」。
他們的精彩圖輯：
【圖輯：政協謝幕 十大金句】
http://goo.gl/bDS95w
【圖輯：風雨下的佔領日記】
http://goo.gl/71uIx4
【圖輯+通識】V煞原型：16世紀的英國會爆炸
http://goo.gl/xwfTwx
【圖輯】V煞：影像和語言
http://goo.gl/qte4MW
【圖輯：傘布香港】
http://goo.gl/4jvSiG
【圖輯：風起了 傘還在】
http://goo.gl/FyqwdO
【政治鬼節 佔領下的萬聖】
http://goo.gl/GEkSoj
【圖輯】旺角：佔領之後 混戰之前
http://goo.gl/kAXUYk
【路障攻防 器與道的纏鬥】
http://goo.gl/eI3d08
【獅子山：望眾生】
http://goo.gl/wSzmfN
【旺角的意志：律法以外的對決】
http://goo.gl/2gtzqq
【圖輯】獅子山——同城效應
http://goo.gl/SRszY4
【路障風雲：竹戰】
http://goo.gl/Q7C89Y
【旺角：無盡的黑夜】
http://goo.gl/URGoYy
【金鐘：帳篷運動第一夜】
http://goo.gl/PfdIO7
【月夜、越夜】
圖輯連結：goo.gl/rJHp3n
【佔鐘：佔領之核】
http://is.gd/QYYlRF
【旺角：黎明前後。黑、白、灰】
http://is.gd/Eo4Ain
【旺角：對話前的寂靜】
http://goo.gl/D0aRi1
【旺角黑夜：交鋒、狂奔、接吻】
http://goo.gl/7OKGUG
【旺角黑夜：黑社會、佔中、警察、記者】
http://goo.gl/DChC4b
【旺角黑夜：躁動、疲累、重奪】
http://goo.gl/PxqliW
【旺角衝突現場】
http://goo.gl/38Hzj8
【龍和道的左右互搏，路線之爭】
http://goo.gl/sSvJf1
【昨夜的傘。昨夜的人】
http://goo.gl/sSi5kt
按：明報職工協會傘下日月系列，留下日月伙伴們在採訪報道佔領新聞的種種記憶。