本來想寫無咗Google 後仲有乜野可以係application 層面用，不過華為被禁的事推演得太快，由晶片到螢幕、Wifi、SD card，機乎所有電子配件都有斷供或剔除名單。所以今次會嘗試講每種斷供或剔除名單對華為的影響。
晶片其實都有替代品
（其實即係大陸講的芯片，不過我真係唔習慣講匪語。）
全球三大晶片製造商英特爾（Intel）、高通（Qualcomm）和博通（Broadcom）已經宣佈停止供貨華為。不過華為其實真係有自家製的晶片。
美國電子產品網頁iFixit 拆開一部華為P30 Pro新手機。6塊晶片中，一半是華為自家出品，包括由華為旗下海思半導體出品的音頻晶片和射頻收發器晶片。手機的動態隨機存取記憶體（DRAM）來自韓國SK Hynix。記憶體下方是華為海思的麒麟980處理器。
餘下3塊晶片是美國廠家出品，包括：美國Skyworks 的前端模塊晶片，負責收發手機網絡信息；美國Qorvo出產的前端模塊晶片，負責處理信號頻道；以及由美國Micron 提供的快閃記憶體晶片。
就咁睇的確同三大晶片商無乜關係，不過晶片商除左生產晶片，仲掌管晶片技術的智識產權，所以就算自家生產，只要晶片技術中有25%來自美國公司，仍算「美國出品」（我都唔知點解係25%，總知條例就係咁），要跟隨美國商務部指令。日前聲稱會繼續供應晶片俾華為的台積電就搵精算師計過，確認出口俾海思的產品，源自美國的技術低於25%，而且離25%還有一段距離。
所以華為係晶片上真係唔需要太擔心，只要仍然有晶片代工肯出貨俾佢，依然可以有手機賣，加上任正非講明儲咗好多貨，頂一兩年應該無乜問題。
Leica鏡頭、Samsung螢幕
坦白講，筆者覺得華為手機係靠Leica鏡頭同Samsung螢幕黎撐起整部手機質素。兩間都唔係美國公司，而且採購項目真係唔怕變，最多影／睇得無咁靚，遠遠影響唔到華為供貨。
Wifi Alliance 除名？
Wi-Fi 聯盟的聲明指出，Wi-Fi聯盟將完全遵守美國商務部的指令，目前Wi-Fi聯盟已暫時把華為從會員名單中除名，禁止華為參與組織的活動，但目前不會撤銷華為的會員資格。
其實就算唔係會員，都依然可以出wifi產品，情況同Google唔再support Android差唔多，一時三刻影響不大，不過若果有技術更新，華為產品咪自然難以跟上，落後全球囉。
SD Association被除名
若果華為不再是SD Association成員，華為係唔能夠生產任何有關SD card的產品（係大陸華為有法例保護，隨時反告SD Association 都得）。電話無得插卡事少（iPhone一直都無咪又係咁好賣），其他電子產品事大，如wifi蛋、電腦配件等影響較大。
Google 不再支援又如何？
係大陸其實Google一向被禁，大把applications 能取代google，而且質素一啲都唔俾google 差（如果你唔怕被偷料）。
不過國外Google真係主流。google play買apps，google map、google drive、gmail 基本上係每個人用電話電腦的基本，加上前文提及Android ，一部電話／電腦無一個同世界互通的系統，做獨家村仲有乜人會用？（Apple現在都唔能夠完全排他，何況華為？！）
就算華為全部自家製，都係全輸。
其實硬件禁令事少，軟件排拒事大。就算華為克服所以硬件問題，輸出不輸現在的電話，但所有內部制式都需要改變。人們買電話電腦，用5G係為咗連接世界，與其他人溝通。就算華為內銷如何成功，海外用家點解需要跟隨華為換制式呢？所以只要禁令持續，華為注定要失去全部的海外市場。