成報成日拖工資, 好過份. 但記者成日覺得自己要保持客觀, 理性, 中立的形象, 一直都以內部講數的方式處理, 但這次實在太過份了, 兩個幾月! 希望今次可以令到記者有一些集體力量出來, 進行工會式抗爭, 日後唔單止爭取發欠薪, 並可以集體抗議公司一些不洽當的要求.
若5月1日真的罷工, 獨立媒體的民間記者應該聲援他們呢.
------------------------------------------------------------------
蘋果日報 李八方
2006-04-23
隔牆有耳
--------------------------------------------------------------------------------
《成報》大地震總編輯頂唔順
--------------------------------------------------------------------------------
《成報》員工醞釀罷工風暴愈吹愈烈，風暴中率先犧牲係社長包雲龍、副社長兼總編輯郭一鳴，兩位一齊請辭。八方打電話問候郭一鳴，佢就一邊苦笑，一邊慨歎《成報》兩年工作生涯壓力太大，大到佢承受唔到，無能為力。
今個月尾就係《成報》生死存亡之秋，員工已經被拖欠兩個月至兩個半月工資，員工已經向公司管理層發出最後通牒，若然月尾仲未有糧出，就會採取工業行動。郭一鳴話，免費報紙同報章減價係《成報》致命傷，不過有員工就認為，呢不過係外傷，《成報》最致命內傷係管理層經營不善。管理層早前向員工發張個半月糧期票，大家觀望緊可唔可以兌現，唔係就五月一日罷工去也！