今年萬千星輝頒獎典禮可謂一地玻璃碎片，不少網民不滿最佳女主角由唐詩詠奪得，而最佳女配角點解吾係由「大小姐」林淑敏攞到，網上隨即出現「還我宣萱」、「還我大小姐」之類既抗議字句，仲有人嬲到話要罷睇大台，真係煽情過韋家輝既劇情。
網民點解不滿今次視后既結果，最大原因係「睇吾過眼」。首先最佳女主角入圍最後五強，計有金像影后鮑起靜、前視后宣萱、胡定欣，甚至李佳芯也是星加坡視后，只有唐詩詠從未封后，論演技佢肯定吾係排第一，甚至可能倒數排名，觀眾情緒自然反彈。
其次，唐詩詠憑《不懂撒嬌的女人》既凌禹勤奪視后，眾所週知宣萱飾演既Mall 姐係第一女主角，嚴格黎講唐詩詠係第二女主角，睇宣傳海報已經好清楚，宣萱演技亦都突出，反而唐詩詠同王浩信saving 哥段戀情，去到套劇後段至搶戲。就喺呢個時候，唐詩詠同洪永城分手消息傳出，成為大小報章娛樂版追訪對象，唐詩詠亦人氣急升，佢用分手新聞谷劇可算十分拼搏。
去到接近頒獎禮前，唐詩詠突然谷盡宣傳，幾乎無孔不入，除左同洪永城再傳復合消息，仲落力向藝人同事、甚至annual dinner 拉票，佢既見報率谷得好好，落力拉票其實無可厚非，問題係佢太著跡去靠新聞谷人氣，而演技實力未去到王浩信既級數，可以經得起輿論既洗禮。
直到頒獎禮當日 ，宣萱竟然沒有出席，引起杯葛既聯想，網民既同情分去曬宣萱果度，自然遷怒唐詩詠，再加埋大台喺視后既投票機制可圏可點，由全民和專業投票組別選出，隨即惹來唐詩詠續約換視后既消息。不過，呢個揣測不太成立，因為視后並不是透明度低既評委會選出，斷估大台吾會計錯民間和專業組別既票數。
今次唐詩詠可能係嬴在人氣和落力拉票，宣萱輸在冇乜點拉票。當年陳國邦都係因為吾落力拉票，比古明華贏左最佳男配角，所以網民如果要責怪，應該係大台既投票機制有漏洞。而唐詩詠唯一既補救方法，係今後少靠新聞谷人氣，而係靠實力演好每一套劇，起碼有套似樣既代表作，做個實至名歸既視后。
（下回分解最佳女配角）