（獨媒報導）政府下周公布新一份《財政預算案》，外界有聲音要求樓市撤辣。中原集團創辦人施永青亦再次要求，當局應就樓市撤辣，指樓價大跌會令社會多年努力白費：「樓價跌落嚟由佢跌？冒風險作投資你要承受㗎啦！問題就係咁樣嘅資產價值，令到社會好多年嘅努力都白費。個人資產價格下降咗之後，消費意欲下降！投資能力下降！成個社會動力都受影響。」
施永青昨日出席一個活動，指《財政預算案》是政府撤辣的最後機會，否則將導致資產大量蒸發，當局「要承擔的政治後果好嚴重」。他今早在商台節目《在晴朗的一天出發》稱，本港房地產市場不健康，發展下去更會影響整個社會的經濟、民生。他重申，在推出樓市辣招的時候，市場過度熾熱，「一啲唔係用家嘅資金都流入市場，搶咗用家買樓機會」，設置門檻屬無可厚非。
中原集團創辦人施永青（資料圖片）
嘆樓市交投量過去三十年最低 發展商、小業主同受影響
然而，施永青認為市場已有變化，有能力買樓的市民不敢入市，尤其樓價自前年一直下跌：「買樓唔係食咗佢，你係長期持有㗎嘛！價錢跌不如遲啲先買，唔係話消耗性產品多人買。」
施永青提到，去年樓市交投量屬過去三十年來最低，指交投量低對發展商有很大影響：「賣樓賣唔出，好多貨尾資金收唔回，佢就無能力再投地、再發展，影響政府財政收入，亦都影響未來供應。」他分析稱，小業主亦同受影響，如家庭原因、生意周轉及生病而需要套現：「如果交投量少，成日都有人套唔到現，套唔到現大家都要鬥平。」
如不撤辣或有政治後果？ 施永青：你個特首下次都選唔到
被問到一旦撤辣，對樓市的正面影響為何，施永青則認為有待市場反映，但起碼先將不合時宜、不恰當的政策撤銷，「宜家係市場資金不足，你仲攔住啲錢入嚟」。他建議政府直接撤辣，亦要引入新資金，以維持一定的交投量：「買嚟自住嘅人都唔買，本來有能力買樓嘅，佢都走去咗租樓。租金就升㗎喎，但發展商又唔願意起樓喎，因為賣得價錢低呀嘛。將來啲人想租樓都無地租，租金咪更加貴。」
主持問施永青，當局如未有為樓市撤辣，會有甚麼政治後果。施永青認為政治問責官員「做錯判斷、累到社會變成咁樣」：「小則你下一任特首唔搵你做局長、財政司司長呀，或者你個特首下次都選唔到。」他更重提2003年《基本法》第23條立法，50萬人上街的原因亦涉及樓價下跌。
傳《AM730》賣盤 施永青稱「我當佢無㗎啦」
對於有傳免費報紙《AM730》賣盤，施永青強調其未有放盤，早前只是有人查詢：「問都唔比佢問咩？但問咗佢一樣係無，無錢到手講嚟都嘥氣啦！」
施永青提到，沒有賣盤的意願，但如有人出價會作出考慮：「都要考慮係咪恰當嘅對手，我都話十劃都未有一撇，我當佢無㗎啦。」他又以結婚作比喻：「越拖得耐呀，越難成㗎啦，結婚就早啲結啦，長期拍拖喎，我都驚！」