首先我唔敢講自己係運動員，因為當之有慚，不過有玩要運動就真嘅。我依世人認真咁玩過兩樣運動，第一樣係空手道(其實唔係好多人知我學過)，第二樣就係跑步。好好彩依兩樣運動都係跟到香港 top one 嘅運動員同埋有一班好有質素嘅同學一齊練野。有一班好嘅同陪真係好重要。
最近有個跑友傷完好番之後又傷過，佢同我講"我地做咩咁傻呢?" 佢d friend 都話唔洗跑咁多，跑步都係為健康je, 其實我覺得我地跑步係為與趣多過健康，我見佢好似遇到我以前嘅疑惑咁，不其然就諗番起我以前一段經歴。
我本來就無諗過自己可以入到大學，竟然A LEVEL 考到不太差的成績，既然入到大學，不如滿足埋我文武雙全既夢想，以前睇小說覺得咁好型，所以 year one 個陣就揀左學空手道，好記得第一堂操到瓜左咁滯，第二堂d新人得留一半都冇，一個月後d新人就得番5,6 個到，就係依有依幾條蔑利陪我一齊練大家互相支持，越玩就越有興趣，之後仲入左校隊出赛，我地唔只係 friend，仲成為縮敵，話縮敵真係一d都冇夸張，因為到 year 3 得番3個我地同期同學，我地有次攞左大專杯冠亜季軍，當然就唔係得3個人參加la，就係個次比赛，我同一個宿敵係決賽對頭，他贏了我成了冠軍，我就係亜軍，我輸得心服口服，亦好興奮因為我有個目標就係佢，點知個次比賽之後佢同我講佢唔會再玩住，因為之後佢要讀 master 會好忙，而且積傷都唔少，番風落雨都會痛(其實我果陣都係咁)，聽到佢咁講我即刻覺得好失落，一個陪伴我成長而且係我目標嘅好兄弟就突然消失左.... 之後亦都可能因為出黎做野少練左或者過左25歲，我同另一個 friend 好似開始從頂峰下落，有次係青年香港公開賽我仲輸左俾個16歲嘅細路，當時我諗我係咪癲峰不再呢，而師父亦同我講玩空手道有 free fight 同套拳兩方面發展嘅，套拳的確非我所願，而 free fight 又進步唔到，果時遇到依個樽頸，加上轉左份工成日要 11 點收工，如是我便選擇左多d時間做野依個籍日而無再玩。再過一陣，連我最後一個同期嘅同學都走埋我就更加唔係咁想番去，之後我都有諗過番去，不過覺得就算番去，停左幾年都回復唔到以前狀態。
其實直到依家我都會諗番起以前練野嘅日子，少不免會覺得可惜，所以點解我 2012年入醫院之後廢左武功都唔想停咁耐，出院3個星期後就即刻練番就咁解，而最緊要係依家有班好好嘅同伴鼓勵緊我。
話説回來，我當時想將我嘅經驗同依位跑友分享下，不過此女子好堅强，佢話唔鐘意半途而廢，佢會繼續跑落去！真係要俾個 like 佢。而我嘅經驗話我知想繼續一樣運動就揾多d好嘅同伴la，因為唔玩開運動嘅朋友好難感受到你感受到嘅野。