上星期，獨媒特約記者梁佩珊專訪陳璟茵一文〈我驚，但仍要站出來〉刊登後，隨即引發網上的二次創作。後來，更因為曾在10月20日，政總外香港電視發牌集會上，衝上台揮舞「龍獅旗」嘅人兄，利用專訪的二次創作自我宣傳，惹來高登本土派不滿，引發網上約架。下戰書者是天水圍的高登仔「朱安」，但被稱為「旗膠」的「勇武侯」並沒有到天水圍應戰，堅持在上水車站「赴約」。
其實在網上發生的無聊爭論多不勝數，點解八方對呢場口水戰會咁上心？除咗裡面披露了一啲頗具新聞性嘅細節外，事件亦向大家展露城邦派嘅網上勇武表現。
最早攞專訪來二創嘅係《熱血時報》〈專訪伍淑儒：我仲驚，但仍要站出來〉一文。呢個二創可謂製作認真，照片中伍淑儒連衣著、髮型都學埋陳璟茵，最亮點嘅係交通燈嘅背景。另外，專訪嘅句式、結構同梁佩珊寫的有九成似，不過內容就講述伍淑儒喺上年立法會選舉幫黃洋達助選時所遭受嘅攻擊。
負責幫陳璟茵拍照嘅90後特記恒仔，對於自己拍嘅相被二創表示好「滾動」。梁佩珊對熱血認真的二創也表示佩服，不過就擔心陳璟茵遭受更多嘅壓力。
第二個二創則由 Facebook 的「熊圖製作」推出，篇名為〈熊圖專訪：城邦義勇侯〉，而相片的對白則換成：「天河明人：唔會驚，我有一百個屌柒左膠既理由。」
呢位「天河明人」就係10 月20日於香港電視發牌商討環節，攞住龍獅旗衝上台上、被「陳雲親筆冊封為城邦義勇侯」、網名叫 Tenkawa Akito 嘅人兄。
點知呢次二創，引來10月20日亦在場，並當場同「義勇侯」對罵㗎高登仔朱安不滿：
我只係一個普通網民，當日同高登一班志同道合嘅網民一齊去HKTV集會！
我見到區諾軒騎劫我都慶，佢話攪乜野商討，然後本身話每組可以派一個代表上台表達意見，我都O撚咗咀，即刻喺台後屌柒班Crew，點知屌柒完班Crew後，區諾軒唔駛五分鐘就拎疊紙出嚟，話收到晒咁多組嘅意見，話已歸納出共識！
我衝出嚟屌柒你，係因為區諾軒騎劫個集會，係錯；唔代表你呢件旗膠衝上台扯旗，騎劫個台係啱！
本身你地未上台扯旗前，陳璟茵個莊友已上咗台屌柒陳璟茵，並準備做論述，凝聚番現場散渙嘅士氣！
佢一屌柒陳璟茵時，在場咁多人都拍手叫好！
但你地衝上台扯旗騎劫，淨係識揮旗，完全0論述，為騎劫而騎劫，攪到陳璟茵個莊友原先想做嘅論述做唔到，成件事因你地變咗個鬧劇！
嗰日，大家都係為咗撐HKTV而出席，而唔係為咗你扯嗰支港英旗出席！[...]
你地自己以自己嘅議題意欲騎劫個台，先攪到全場人一齊屌柒你地！
如果香港本土運動，係旨意你地班無腦嘅扯旗撚去領導，0論述，淨係識喺度尻屌，香港本土運動聽玩撚完！
旗膠，收皮啦！
要操作「敵我系統」，麻煩學下分清敵我先啦！
人如其名「義勇侯」心口得個勇字，講唔過高登朱安，想以勇武形象壓倒對方，係 Facebook 度問人：「你住邊，我過嚟搵你隻秋」。朱安一開始時有啲猶疑，驚俾差佬捉到約架，但「義勇侯」左一句「垃圾」右一句「垃圾」咁，搞到朱安決定豁出去，下戰書約「義勇侯」11月20日凌晨十二點半天水圍中央公園，仲話貼埋的士錢佢添。
點知「義勇侯」只在鍵盤上勇武，見到戰書，話要人地去粉嶺，圍觀者紛紛加入恥笑呢位勇武戰士，結果「義勇侯」又用城邦派嘅慣技，話朱安係「左膠」，大喊：「朱安，你收皮啦，左膠扮本土搞破壞」，點知「朱安」一啲都唔弱，話佢「咁你呢D係咪叫右膠扮本土拎嚟膠？」
呢位朱生講野咁唔啱聽，「熊圖」加入戰團起佢底，並將佢屈成愛港力成員。不過，高登出身的朱安，好快就還自己清白，以 youtube 現身嘅方法「辟謠」。
結果「義勇侯」節節敗退潛水走人，當晚係上水火車站影咗張「赴約」相。當然呢種自欺欺人嘅做法，為高登仔提供更多嘅笑料。
正如八方開頭講，一場口水約架本身無咩新聞價值，不過係吵鬧中，被淹蓋咗一些有關「騎劫」嘅細節浮上水面。亂七八糟嘅前台上除咗璟茵、區諾軒外，仲有在台上鬧陳璟茵的「莊友」同勇武旗膠，但後兩者卻可以當混亂場面唔關自己事，將責任推晒俾所謂的「左膠」身上。
另外，「約架」一事亦突出咗右膠嘅勇武本色，旗膠在挑釁對手後，唔敢進入戰場，喺自己地盤叫囂宣報勝利。呢種手法面對發明「膠」一詞嘅高登仔，完全唔work，因為佢地深明唔同類型嘅「膠人」特質，一下子就睇穿旗膠底牌。
城邦勇武派嘅國師陳雲喺東周訪問中話要在 Facebook 「鬧到左翼在公共領域中消失」，睇嚟左翼真係要向高登仔學下點對付右膠。Define your own battlefield，是天水圍不是上水，是現實不是Facebook，明無？