立即捐款

生活

蒼井空是大家的,來的星星的金秀賢是富婆的

蒼井空是大家的,來的星星的金秀賢是富婆的
廣告

廣告

來自的星星的金秀賢4月就會來香港,睇新聞見到香港富婆出成千萬請金秀賢食飯。原來,唔係淨係梁朝偉先會抽離唔到角色,女觀眾先真正抽離唔到角色。

「來自星星的你」的女主角係邊個?當然唔係全智賢啦,個女主角係睇緊的每一個女人。

個女主角,就好似任何一套電視劇的女主角一樣,就算集萬千缺憾在一身,套劇入面所有男人,上至環球企業總裁,下至掃地的靚仔乞兒都覺得佢係「天神的化身」。最經典的例子有「等你說愛我」的酒井法子,又聾又啞的女主角,真係好一個「海倫凱勒」,但唔緊要,所有男主角,男配角,甚至路人都突然勁有愛心,勁鍾意呢個「海倫凱勒」。

電視劇可愛的地方當然仲有「永遠等我」的後備,個女主角已經有個「冇左佢會失去呼吸能力」的男人,仲要有一個明知女主角有愛人,都當佢係限量版figure的後備等緊佢。世界各地的劇都係一樣。《來自星星的你》的全智賢除左有個外星人,仲有個有錢輝京。《衝上雲霄》的陳慧珊又有sam 哥,又有馬神。甚至《叮噹》的靜兒有左大雄,都有春木杉同學守侯佢。

愛情片編劇其實都好有良心,劇入面當然有好多好多冇「女主角」咁完美的女人,但無論佢地幾唔靚,戲劇世界的資源分配都非常平均。你係吳君如,黃韻詩,苑瓊丹,甚至係邵音音,都一定會有人肯「啃」,個安排貼身到令剩女都相信世界唔會有饑荒,有一日,無啦啦,命中注定要「啃」佢的男人,就會好似呀叻係「逃學威龍3」咁,係天花板度跌落來。

朋友話韓劇根本就係科幻片,唔係點會有以上impossible的情節出現。愛情片同韓劇點止係科幻片咁簡單,根本就係福音片,好似「恩雨之聲」咁,說服我個世界係有神蹟一樣。

女人唔好睇咁多韓劇呀嘛,因住好似食白粉感翻唔到身呀嘛。男人夠知唔會得到蒼井空啦,我又唔係富婆,又冇得兜口兜面共進晚餐,睇下劇,用D「 創作力量同幻想」,發下夢都好呀。

原文載於姐死姐還在 Facebook 專頁

廣告