媒體

週六 2014-07-05 姐死姐還在

借叮噹部「交換媽媽機」比梁齊昕

A A A

我打從心裡同情梁齊昕，真係好想借叮噹102集個部「交換媽媽機」比佢用，以解佢燃眉之急。如果我係梁齊昕，見到呀媽上電視「自我引爆」，真係失禮到好想快D搵窿捐，真係跌落坑渠我都嫌唔夠快。

臨床實證梁太係智商偏低的…

梁太話佢係「自我引爆」前冇同梁特首同特首辦傾過；佢真係冇睇警訊架，通常中伏都因為冇同屋企人商量，有人叫你比錢人祈福，你都要打電話返屋企問下明仔啦。「自我引爆」咁大件事都自己部署，真係聽見到覺得牙煙。
梁太又話：「我講呢番說話，唔係公關技倆」；咁就死得啦，你本來都冇說話技倆，仲要唔用公關，真係雪上加霜。我相信個公關都想飄出來話：「唔關我事架，我智商唔係偏低架」

「子女好與壞，在乎溝通與關懷」

冇標準工時的香港地，好多細路星期1至5都係冇爸爸媽媽，weekend 先有返爸爸媽媽。我好記得睇《星星同學會》，周華建話佢忙到次次返屋企個仔都訓左，佢唔知個仔有冇高到，只知個仔訓係到個身係長左。
我相信梁特首點都忙過周華建，仲要個女去到英國咁遠，真係好似拍拖玩long distance 個結果一樣：冇咩好結果。
好希望梁太同梁特首抽少少時間，喪睇返「每日暫停十分鐘聽聽少年心底夢」以及「子女好與壞，在乎溝通與關懷」個廣告，係聲討其他人批評佢地家事前，自我檢討下。

如果我係梁特首…

根據技安的經驗，使用樵夫之池係唔可以講大話，否則就會比女神扯你落池底，咁梁特首同個樵夫之池有緣冇分啦。如果我得到個池，我真係想將梁特首同梁太，以及佢個3屍14命一齊擲落去，換返D 好野返來，真係諗起都開心死。

PS. 我對梁太公諸予世的家事其實真的沒有興趣，不過見梁太上鏡，嚴重提醒我3件事...
1. 眉毛真係唔好用HB個隻筆黎畫。
2. 紫色眼影，真係好「蝦」人查，一不小心，就好似撞親隻眼未散瘀一樣。
3. 唇毛係真係唔可以唔剃。

1+2+3 中哂之後, 個妝就似大家樂員工架啦，點解化妝師唔協助下佢呢？