本來唸住去維觀打氣的，也想「昅住」d警察唔好hup細路，叫做多個見證。所以去了。圍觀時其實睇唔到d咩，時間我不很清楚，三四點掛，我企到後面花槽，知道警察要逐個抬走。時而聽到「集會」中的人群大叫唔好用暴力，警方收手~!都知道係拿渣抬人，但我沒有概念具體是怎樣拿渣。
其實好dun那些傳媒拍攝好悶，十分鐘都無一個肢體踫撞shot，作為傍觀，有d睇到hup眼瞓。十分鐘先抬一個人出來，但一邊看一邊想，新聞肯定會剪到「一個接一個」被抬出來。
十分鐘一個人，和一個接一個，有什麼分別，我還說不出來，但肯定是有分別的。
因為手機到呢個時間已無電，不想和戚師傅分開太遠，見他已經坐在人群堆中，我就由花槽走埋去坐埋一份。一坐埋去，個氣場完全不同。
第一，我即時領悟到，如果真係可以爭取到d咩咩咩，而我無幫手卻坐享其成，有點過不了我自己。所以就確定了一起坐著不錯。就像零三年廿三條沒有過，自己也在遊行中，像對社會有點貢獻的感覺。警察築成人鏈，把坐著的群眾分開前區和後區。分兩頭清。
坐在我同一行，離我最遠的那個，開始被清了。是和平示威的招牌撓手坐。一下子我嚇呆了，完來係咁樣令人放手的～！！！
target捉最盡頭靜坐者（A），就有兩三警擒住A，不肯放手的隔離（B）和（C）警察用雙掌作"合拾"狀，左右壓B和C的太陽穴！！
有時就用電影感極重的"雙掌扭頭即死招"，擒住靜坐者的頭及扭曲（我唔知係輕扭定真扭）
我是嚇到呆撚佐。平時見人打交，可以大喝「停手，唔係報警！」但，呢個場合，你還可以喝什麼？都係細路仔之嘛~都係市民之嘛~
點解市民可以咁樣打市民？（我已經當係打架的了）（的而且確，警察也不外乎是市民之一）而且，當警察可以合理地同市民單向打交，世界會係點？
警方有D好「程序」既文稿會讀出來，先可以抬走一個。其中一句係「警方會使用適當武力」喂，知唔知個武字點解架？佢地果D係暴力來架！靜坐人士才是用緊適當武力啊。止戈為武，停止干戈，才是真正的武力（武術）啊～唉算啦，到填FORM時，拎住我身份證照抄都可以寫錯我個名，點可以要求佢地了解武字怎樣解。其實好快就比我地成班人喝停了，警察頭一兩個會用這方式。因為太有「拍照」價值，後來佢地都唔做了。轉為用陰濕招，整D無咁吸睛的做法，如屈手。當然大家好想聽肢體踫撞的故仔……但很可惜，就是這麼幾招了。
我們是想愈難搬走一人，就能捱愈長的時間，捱到去八點，都仲有人未被抬的話，證明「我們會和平散去」後來的WEWA鬼叫，就是因為我地坐得好密，然後「差人要做野」，然後唔小心踩到前前後後的人。然後人群大喝唔好踩到人啊。
我們那個CORNER的，都是一心在想，八點鐘，就起身，和平走人食早餐。到最後，就是你們看到的結局啦，八點鐘未被抬也是要被捕。
其實大家擔心的危險，除了是肢體踫撞，就是「被捕／起訴／法律責任／案底」之裡的問題。在場時，大家都在問，自己有沒有被捕的準備。老實說，當天我並沒心理準備，但，由搞OYIF街頭禮物墟，到平等分享（雖然只是參與過一次，又抽水XD）到一直在看MAD的「小販抗爭」，那種心理狀態，確是「有種咪拉哂我地囉。」到依家人地真係拉哂我地，都無乜得出爾反爾自覺不值的懷疑。
今次「被捕」，自己同自己解釋，感覺似小販為了可以在街頭買賣的權利，天天都要受被捕和落案的壓力吧了。只不過今次不是在爭「街頭買賣的權利」，而是真普選吧。
回條是「警告通知」，紀錄我曾經「被拘捕：因參與未經批准集結，和對公眾地方造成阻礙」。
呢兩條「聲稱」（我唔會講係罪），我經常都做。今次無被檢控，無起訴，無落案，無人話要審，就更加未去到案唔案底。我用小販呢個比較，可能似淡化了事件的嚴重性。政治起訴和食環起訴似是兩回事。小販被拉，可能心理上只是罰款之類，未去到「政治」層面。但如果有一日，他們真的要"為了自己權利而被拉，可能就很政治敏感了。
在頹等的十個小時，帶我去廁所的警員，問我，「今朝搞到依家啦」（佢好心想傾下計緩和一下氣氛）……我答，「今朝？」我都唔知由邊度講起了……
*************************
朋友問，警察到底有無使用暴力？
我眼見，是有的。不過只對細路。見你大大隻，而且是成年人，又或者係叔叔姨姨，就唔會郁手。（我暗瓦底好想知道如果警察郁呀戚師傅，地盤佬咁大力又學過抬拳，後果會係點：p。）不過我都感到好無奈，好抑鬱。睇住身邊的市民被單向暴力對待，仲要刻制自己不能幫拖不能還手，連反抗都唔好。真係心理不平衡。
其實我地是非不能也，實不為也。打爛仔交，天生誰不懂呢。止戈為武，我地靜坐者先係用緊最大既武力。
***********************
我在很近距離，看到靜坐者逐個被抬走。很奇怪，一個不怎掙扎的人，有多重呢？我肯定警方是在做戲，扮到好難抬。如果佢地不是做戲，就肯定是體能很差。
大學的ocamp都經常玩捉人抬人啦，三四個人穩固地抬，肯定夠力，不會溜溜跌。一個人50kg，做廚房佬的，一個人要抬起25kg一包米，一包白糖，不難。做地盤的，一個人抬50kg的水泥還要上樓梯。我唔知我地oyif處理開的梳化衣櫃有幾重，但三四個人拎50kg肯定不難。
溜溜跌，是要整傷你，是要在鏡頭前搞到好似好難咁。正cheap精。
***********************
點解收收下膠樽，會上了警車……要由邊度講起……
早個月電台訪問我綠色生活，之前比了一些準備訪談問題。當中有d好行貨的「咩為之綠色生活」，點解咁重要，ohyes係d咩……
其中有一條問題，係「政策和教育」。可能訪問果個人想我發表下「垃圾徵費／三堆一爐」既事。但我愈唸愈行貨，發表什麼評論都改不了現狀。
我預備的答案是，有咩政策可以改善到香港的環境問題？唔該，廢佐功能組別先！！
東北問題，農業政策問題，屏風樓，過多的人口，過量的旅遊人士做成的垃圾，焚化爐撥款，堆填區擴唔擴建，電力供應，之如此類，重大如此的問題，香港要點做都要經一經立法會。而立法會一日有功能組別，一日就會有呢d只顧破壞的所謂發展。
昨天被關的時候，同在場人傾計，得出的結論是，除了消防局和渠務處，無一樣野係做得合格！
****************************
講下d花絮……話說，我地八點半上左車，九點已經到左警校。
傳媒說是在車內曝晒，其實車內有冷氣的，至多是鬧停車唔熄匙或浪費能源，或無原禁錮。
等等等了不知幾耐，我估兩小時吧，水確是沒有，身上有餅也不敢食，因為太乾。就忍一忍口當辟穀吧。
但辟穀禁食都要痾尿麻～～後排男士很多都表示要去廁所。好鬼好笑，警員既反應真係好鬼小學雞，皺眉，咬一咬牙關，叉一叉要，挺一挺胸，髖關節向右擺一擺。好dramatic咁，用食指指住空氣，講「你，未到你出聲呀」「依家等上頭安排緊呀」真係好鬼好笑。
我們能做的，就是飲水食飯痾尿，而他們，唯有在這小小的操作空間裡找尋霸氣。
還有很多處可以擺款過下「霸氣癮」的：話說我地要去樓上找律師，其中有一位特別喜歡這小學雞風紀效果，用很悔氣的口吻，大聲說，靠埋牆上樓梯呀~叫你拍埋牆呀。
還有那可惡的冷氣。我們四十人，不太肯定是不是四十人全數都覺冷，反正就是大多數都凍到縮埋一舊。枱面上有電子鐘和溫度計，廿一度。我說廿五度是合理溫度，其中一警員笑了一笑吓，咪好熱囉。去到每一房間我都要求要廿五度。其中一個仲要自辯，無計啦，包容一下啦，依家小數要服從多數嘛，喂，好似警員係少數，只不過你掌住個冷氣control權之喎。似乎佢地真係洗哂腦，總之掌權果個就係多數，投訴既就係小數。
***************************
又再講下另一個花絮。上到車真係男一邊女一邊，男的坐後排，女的坐前排。
我地女仔本來都好緊張，靜靜的不敢發言。（因為行動者菜譜常叫我們不要胡亂講野）開車之後，我傍邊的女仔問我有無鏡，佢話想補妝，覺得自己好肉酸...另一邊的女仔就問我要不要噴補濕噴霧，那想補妝的女仔，一見到呢個噴霧，就話呢個牌子係好野來喎。跟住後面的就開始問「我d皮膚好敏感呀，呢個牌子得唔得架，我用開乜乜乜都唔係咁好……」
總之成程車，我地五六個就講護膚什麼的。
到後來，有個女仔問……errrr有無人有m巾呀？我十幾個鐘無換過啦，好辛苦。當時就是同警員爭拗緊做咩唔比我地去廁所。
我話無啊，我是用布的，自己洗。有個就話用開棉條不過會製造好多垃圾配件，好想試用cup。有個女仔完全未聽過呢d野，一直在問我地攻略，我也說是因為想說服朋友幫bb用尿布不用即棄，所以開始用布m巾……血一定易洗過bb屎囉……
我們就坐在車頭，而男警員一直全程錄影錄音。
口供裡還有一些細節：
那未聽過布m巾的女仔，話要洗自己d血咪好核突囉？我話，點核突，都核突唔過，用過的膠m巾，放係將軍澳街坊樓下掛？用棉條的那個女仔搶著說：係呀係呀，仲要係一擺擺幾十年幾百年！
我接著說：呢，垃圾車咪有個壓縮裝置既，如果有人揼一支未飲完既水／果汁在垃圾袋內，壓縮機就會壓爆支水，流過前前後後的菜泎魚頭，再經過那些膠m巾，慢慢滴到地上，由住宅區一直滴到堆填區～～