立即捐款

刺青雜誌

年青人的網上雜誌,兩週一期,希望把我們面對生活的奇想與騷動帶向大眾。 www.punchmagazine.hk 網誌

社運

到底邊個暴力啲呀?

到底邊個暴力啲呀?
廣告

廣告

文:許煦

呢幾日見到周街啲「反佔中、反暴力」攤位,我就火都黎埋喇。主場新聞都俾你收埋皮,你話邊個暴力啲先?

我許煦先啱啱登陸主場無幾耐,咁就執咗笠。條氣認真唔順!幾日前先同個編輯傾開,諗住整個每周專欄講文化研究啲 terms,我連稿都打埋,佢一個唔該同我執咗。編輯仲要話唔知咩事,都唔知佢堅定流。成件事好似騙局咁。

返正題,講暴力。刀槍火劍無錯係暴力,但大家唔好咁膚淺啦,暴力唔一定係睇得見㗎!你地一定無讀 Foucault 頂喇!即係呀傅柯(Michael Foucault)愛滋病死果個法國理論家。AIDS 唔係重點,而係佢提出對暴力嘅見解,係果本《規訓與懲罰》入面,佢話宜家嘅暴力不再下下要流血,而係講「性」。性係指人口嘅控制之餘,關係到嘅係所謂嘅「身體政治」。佢話十九世紀之後,權力通過教育之類嘅機關,傳播意識形態,簡單黎講,即係從內心去改變一個人嘅思想、行為。好很恐怖。以前熱兵器年代,你見到子彈,當然會識得避,宜家睇唔到,潛移默化咗,真係死咗都唔知咩事。

今次主場之死,我認我係有 personal feeling,但係抽出黎睇,未嘗唔係一次唔流血嘅暴力。大家本來開開心心吹吹水嘅地盤無咗,急急腳四圍搬竇。佢仲要賤到咩文都 search 唔返(許煦太新,舊文無 backup 到),好在我平日都會 save 定啲 copy 係手啫。死因到宜家都未知,又話無錢,又係白色恐怖。都唔知邊樣真,都唔知係真唔係。無答案,大家唔知,個個係度估估下,果種不安真係不得了。

反佔中班人,口口聲聲話反暴力。佢地口中嘅暴力,講黎講去,咪又係果啲示威呀,掟下野果啲。小兒科啦!唔係流血先叫暴力?咪咁天真咪咁傻啦!

原文刊於此

廣告