立即捐款

社運

唔表態,要unfriend ?

唔表態,要unfriend ?
廣告

廣告

撰文:黃孩子

這,到底係第幾次 unfriend 潮?

「雨傘革命」踏入第七天,關於是次的即時新聞與分享持續不斷攻陷Facebook,而該處亦成為(傳統電視及報紙以外)最多人以私人名義發表已見之網上平台。Facebook 在港滲透力驚人,為左(膠/翼)右(膠/翼)兩派以及所謂「無特定政治立場」的普羅大眾所采用。在當今人人論政之際,似乎甚少人能獨善其身,完全在 Facebook 不表態,「靜若脫兔」般既不 share 又不 like。倘若大家唔係好善忘,對上一次反國教運動(又係佔領政總),可謂香港人在 Facebook 首次發起的 「unfriend 潮」,簡單一句,即係割蓆。(由於小弟四海之內皆兄弟,根本無時間無心機去逐一去 unfriend,索性一不做二不休,留低所有 friends做塊照妖鏡。)

有其一,便有其二。根據觀察,事別兩載,是次運動在各個方面(警民敵對關係、暴力升級、政見歧異)都比上次反國教之時更為嚴峻,可謂到了「起來,不願做奴隸的人們」既關鍵時刻。可想而知,Facebook 上所產生既「矛盾」絕對升級 ——公開的便在生果日報或方向日報下留言,而私下的便幾乎日日寫下割蓆宣言。由剛開始只係平心靜氣將頭像換成自己既學生相係 Facebook呃下 like,無幾個人真係罷工又罷課去實際支持,到後來由於突如其來既暴力所喚起既道德感,幾乎人人都變成黃絲帶使者,緊急召喚爭取「自由民主加國際標準真普選」。邊個咁大膽仲敢係 Facebook 風花雪月? 拉出去⋯⋯

所以運動開始時,廿零三十歲個班以朋輩力量將政治立場及現場情況作即時分享,氣氛尚算和諧,好多人鑑於多年「朋友」或念親恩都只據理力爭,以不傷和氣為前提。但隨著佔領地區日增、加上日前政府出爾反爾(不會再以暴力清場卻隨即在翌日「疑似」以黑幫介入去反佔中),數位旺角示威人士被打至頭破血流,女學生被公然非禮及羞辱,「雨傘革命」可謂再次升溫。用和理非非既人既話講 :我們的社會分裂了,徹徹底底地由於對錢同普選既定義而分裂了。

事到如今,分裂了,「割蓆宣言」此起彼落。小弟嘗試綜合各方好友狀態,寫出個大意:「係人係鬼係傻仔、維穩、和諧、真心愛港、怕事怕死、騎牆、捐窿捐罅、扮睇唔到——全部現形。反佔中既人,你地今次是非不分,佔中之後會一次過 unfriend。道不同,不相為謀。此致。」

今次計小弟話,你今次最應該unfriend 既,其實,會唔會係日日叫你地見好就收既「老XX」同「佔中三恥」?

單單係今日小弟已經收到至少十個八個呢類人或組織似「過來人」暨「代理人身分話你知既忠告:「多謝同學及市民連日來的堅持,佔領多日,你們已疲憊,同時運動已進入膠著狀態,客觀上也對生產和生活造成干擾和不便。當下,我們已取得很大的階段性成績,讓全球得知港人為爭取公義、民主的決心,為長遠著想,現呼籲大家應盡快退下,避免成為暴力的受害者,我們一直以來,都是和平理性非暴力的象徵。」

如果,公民抗命係要破上級指令,呢班「老XX」其實正正就係有事唔會保你(可能象徵式簽個名聯署)但重返日常就係你長輩既人。「你」,真係認為成日睇死八九十後既人會明白咩係「抗命」,認為社會仲可以有質量上及實際上的改變?江山代有才人出,「你」,到底要相信及追隨(輸打贏要)失敗主義者的話,或是你親身每晚在場睇到既決心?一字記之曰:留反佔中人士做 Facebook「朋友」,你尚有照妖鏡認清對方行動及言語弱點,聽「長輩」話?「你」輸左一大半。

廣告