立即捐款

政經

被時代選中嘅ASSO學生

被時代選中嘅ASSO學生
廣告

廣告

尋日lunch 又係「食左都背脊骨落」嘅social 飯,已經係今個月第3餐social 飯,真係同逼良為娼冇分別,真係心不甘情不願。於是我就將少少喉嚨痛嘅病症誇大十倍,再配合我少少方法演技,演繹到身體非常不適,終於逃過一劫。

一點前,同事已經全面徹離去「食左都背脊骨落」嘅social 飯,office嘅寧靜氣氛真係好正。事實上,留係office嘅仲有5個part time靚仔靚妹,我做呢間「大嘅公司」喺人手長期不足嘅情況下,唔請長工請左一大班part time,美其名俾年青人學習機會,實際上當然係以「至低價」,請班任勞任怨嘅年青人做野。尋日咁啱有個新黎嘅靚女part time,一班靚仔當然係圍住靚女做「自我介紹」,再拎電話作日後「溝通」用啦。

我都係第一次聽佢地「自我介紹」,一聽先知原來佢地5個只有一個讀緊大學,4個都讀緊ASSO。「自我介紹」完,其中一個靚仔話,而家ASSO year 2 ,做緊3份part time,cover 下ASSO 學費,同埋儲定錢,升唔到UGC 學位(香港政府資助學額)就讀自資學位。

輸在起跑線上…
就算ASSO拍幾多開心廣告,都掩飾唔到「輸在起跑線上」嘅事實,捱貴學費,遲畢業之餘,仲比左一個半天吊嘅假大學夢比一班靚仔靚妹。

同大家分享一次今年暑假,我呀姐請新人嘅過程。當時呀姐經HR收到一大疊CV,我呀姐就話:「呢個ASSO轉DEGREE架,in 左其他先啦,呢個out 啦」。個刻我先知,喺老屎忽眼中,ASSO唔係一個學歷,原來係一個案底,未in 就已經出局。咁點解part time 請ASSO,長工請大學生?我相信「平」就係ASSO同學仔嘅唯一價值啦。

香港周街都係「副」大學生…
「一個照牌都壓死N 個大學生啦香港地」,呢句說話令幾多ASSO學生傷心。我自問一向時運高,高考之後,好順利入左大學,ASSO嘅苦況由我黎講,似乎唔夠資格。我只係為呢班捱緊ASSO嘅靚仔靚妹感到淒涼。香港本地大學資助學位唔夠兩萬,考生七萬幾,我地自己都唔夠分,仲要分左D 比大陸人。

我又諗起禮義廉元秋話,內地生挽救本地大學,冇內地研究生,「八大院校嘅研究院都可能執到七七八八」。所謂嘅救本地大學到底係咩?08年我大學year 1,係大學住宿,我兩個roommate都係大陸同學。有一朝,我喺晾衫房晾衫,上完堂我返宿經過晾衫房,我個大陸roommate竟然將我所有未乾嘅衫推向一邊,騰出空位好疏落咁晾佢D 衫。大陸人原來唔止搶我地學位,晾衫位都唔放過。

畢業後我覺得我「太天真,太傻」,我兩個roommate畢業後,一個經大學推薦,拎左半額獎學金去UC Berkeley 讀MBA;另一個roommate拎全額獎學金去麻省理工讀doctorate。個下真係一言驚醒洛克人,我真係太睇小大陸人,點止個晾衫位。對大陸人黎講,香港嘅大學學位,都只係地鐵個太子站,佢黎香港轉車架渣,佢搶嘅係香港提供比佢嘅一條龍「前程」。有人話,人地叻無計架,我會問:「佢地父母有交過稅?原來學位唔係香港人優先,香港人優先嘅原來只剩返自資嘅ASSO?」

PS. Lunch 期間,班靚仔一路講,電台咁啱播緊Supper moment 的無盡,我聽到「踏上這無盡旅途…」,諗起佢地踏上ASSO嘅無盡旅途,真係覺得香港教育制度好失敗。

原載於姐死姐還在facebook專頁:
https://www.facebook.com/164695310405483/photos/a.164701523738195.107374...

廣告