首先我亞臣就要同大家介紹兩個新名詞： 賊媒&賊家。賊媒，即係賊一樣既媒介；賊家，即係賊一樣既作家。
網絡盜賊既定義就係肆無忌憚地偷。偷片，即係唔直接share人地條片或者link，而係直接upload上自己個死人page；偷圖，一樣道理，將時下最hit既圖據為己有擺上自己個爛鬼page；偷post，好撚簡單，見到論壇人地寫得得意有趣既內容，轉個頭照字搬字擺上自己個page；偷Idea，即係將人地先發現既新大陸，轉個方式表達出黎，最著名既例子就好似足球快報咁，將人地Troll Football既英文版圖片轉成中文然後就當自己野。
唔列明Credit，其實已經係死罪，唔直接share原link，都一樣係死罪，點兜都冇用咖啦。
林日曦，聽個名都知道係樂壇實力派作詞人，產量唔算多，但勝在有誠意有創意。時下d粵語歌唔係我愛你就係我愛你全家之類，一日到黑發咗春咁示愛，我欣賞林日曦，係因為佢特別，例如「微笑的魚」同「乾物女皇」既詞，我都好鐘意。
但林日曦唔知係咪做填詞人做到心灰意冷定點，竟然學人出青年雜誌。我記得100毛創刊號請埋好多明星例如GEM呀連詩雅呀C All Star等等做封面，我即刻狗衝去買本黎睇，真心希望100毛可以打破現有紙媒既框框。事實上100毛做到咗，不過係走向做賊既路線。
若要人不知，唔好咁低B。好多蒲開高登既人都知100毛MON實高登然後大抄特炒，衰d講句，唔知既以為100毛係高登出既雜誌。真係好難想象，一個創作人搞既雜誌，創作靈感竟然係來自偷，而佢地偷得越扯旗，讀者就睇得越出水，簡直荒謬。
做賊既唔使俾人批判，指謫賊既人反而會俾人批判，病態社會莫過於此。難為林日曦身為知名創作人，都做埋呢d野，實在令人氣憤。如果我拎你林日曦既歌詞填入第二首曲到之後再派台，你林日曦係咪都可以做到「why so serious 」咁淡定先。
林日曦，個人認為，呢三次已經等同賊。做人，真係唔好太林日曦，否則遲早都會俾人唾棄咖。