我出身係一個寒微家庭，由細到大屋企人都無咩比到啲物質上既野我，但我都唔覺得呢啲係啲咩大事，有時自己想要咩咪自己爭取返黎羅。但我有樣野好多謝我既家人，就係佢地雖然無咩錢但佢地就教曉左好多道理，其中一個我最多謝既道理就係「永遠唔好期望其他人幫你做任何野，除非你有籌碼係手，又或者，佢係幫你之餘會幫埋自己。」
可能你會話，車，咁都算咩道理，呢個唔係常識咩？如果你咁稔既話我真係除左恭喜之外我都唔知講咩好，因為若然你知道呢個道理，你已經比香港特區政府醒唔知幾多十萬倍。 可能你心稔，今時今日考入AO/EO咁鬼難幾萬人爭幾百個位，唔係三大爆GPA都入唔到，入面唔係應該個個都係精英個個都係人中之龍黎嫁咩？咁特區政府點會連一個咁簡單既道理都唔知？呢個問題我唔直接答你，我用例子黎答你。
去過外國都知，香港既公共交通系統真係發達到不得了，尤其係鐵路。其他唔講，就幾個月前我係華盛頓參加一個國際學生組織會議，咁有一日空檔時間我就稔住搭地鐵去市中心食野，唔搭又是可，一搭架車delay完又delay，delay完又delay，結果足足等左我30分鐘。而因為等到一肚火之後嬲嬲地去左搭UBER返酒店唔出去食。事實係無論係紐約既地鐵，華盛頓既地鐵又或出名準時既德國地鐵都好，有時故又或遲3-4個字係家常便飯，你試下香港地鐵遲3-4個字你睇啲人會唔會媽到佢一棟都無。
但係，係普遍香港人心目中，港鐵都係一間衰到貼地既公司，點解？你可能係話因為可加可減機制，但如果你問我就一定唔係喇，因為縱橫國際黎講，其實港鐵真係平到無人有，係其他地方公共交通閒閒地都幾十幾十蚊港紙咁起跳，以宜家香港人去旅行既密度，無理由唔知嫁！咁究竟係咩原因港鐵咁神憎鬼厭呢？其實好簡單，就係香港人唔怕比多少少錢，而我地憎既就係個種明明應該有得簡，但係因為你搞到我地無得搞仲要也文也武呢種行為。正如啲大陸人落黎買野明買明賣，係上面買唔到正貨要落黎買，憑咩指住香港人個鼻話要不是大陸人，你們香港都完蛋了？
而你可能知又可能唔知，香港政府其實一路都行緊一個叫「鐵路優先」既政策，者係咩？同樣一條路線底下，只要有地鐵，其他交通工具就唔可以有同樣既路線。甚至乎，其他交通工具係唔可以有路線係由地鐵站到地鐵站（除左港鐵故障個野佢自己啲巴士可以行之外）。咁者係點？者係地鐵因為呢個政策，可以有最強既公共交通壟斷地位，咁在於港鐵立場你咁正比左個壟斷地位我，我唔加價就正死蠢喇下話？！
再講返我家人教我既野，如果想人地幫你做一野樣，一係你有籌碼係手，係呢個情況，或者係係好多好多情況底下你既籌碼就係競爭。者係同一條線，你唔想搭地鐵就可以搭巴士，唔想搭巴士，就可以搭小巴既話，咁就perfect池喇。而當港鐵為左有得同其他公共交通工具爭客，你估港鐵仲可唔可以老馮咁加價？而再回想返轉頭，最近期可以令香港公共交通有多啲選擇既公司UBER黎左香港之後，香港政府又點對佢地呢？所以計我話如果要港鐵唔加價洗乜可加可減機制丫！開放公共交通市場等個個都可以搭點對點巴，唔洗再被迫搭地鐵好過喇！