「支那」呢個名詞係中國人為咗翻譯印度佛經創造嘅。
查實呢個名稱，起源地係印度。
印度古代人叫中國做“chini”，係「秦」“chin”嘅音譯；
中國從印度引進梵文佛經以後，
由於高僧要將佛經譯為漢文，就按照語音將chini翻譯成「支那」。
印歐語系中古羅馬稱中國為Sinoa，
後來英文China，同埋法文Chine，都係來自呢個語源。
「支那」係秦朝開始，異族人對中國漢人嘅尊稱。
中國漢人喺清朝滿族統治嘅時候，日本係亞洲革命嘅聖地，
好多反清嘅仁人志士都喺日本得到支持。
喺「中國」呢個名詞仲未畀日本民眾認識之前，
好多革命家都會直接借用日本稱呼，嗌自己做「支那人」。
好似宋教仁創辦《二十世紀之支那》雜誌，
梁啟超就用「支那少年」做筆名，仲有好多人自稱「支那人」，
拒絕承認自己係「清國人」。