政經

恆安街市裝修翻新 商戶下周離場 歎續約安排未明「等運到」

廣告
恆安街市裝修翻新 商戶下周離場 歎續約安排未明「等運到」

廣告

「鋪頭仔小食店」的徐先生、徐小姐

(獨媒特約報導)領展馬鞍山恆安街市原本由宏安集團旗下宏集策劃有限公司管理,將於下月改判予建華(街市)管理公司管理,並重新裝修。街巿租戶合約本於10月31日約滿,但宏集要求商戶於10月9日前搬走,10月份的租金會以日計算,不會獲額外賠償。

目前仍有很多商戶未得悉續約安排,但已知建華將會收取「入場費」約5至10萬,預料租金亦會大幅提升,憂難以負擔,一群紮根恆安邨多年的商戶不知何去何從。

IMG_0684

料租金大增 「預咗租唔返」

在恆安街市開業8年的「鋪頭仔小食店」售賣小食及糖水,由徐先生、徐小姐兩兄妹一同經營。徐先生指近日有很多街坊買糖水時問及「做到幾時?會唔會繼續做?」,但建華未與他們談續約,未知租金的實際加幅,徐先生坦言「啲街坊都覺得我哋做咗咁耐,應該優先俾我哋」,但他相信,裝修後的租金將會有很大加幅,「預咗租唔返」,正物色其他街鋪,冀找到價格相宜的鋪位繼續經營。

徐先生表示,在恆安街市開業是一種精神寄託,慨嘆「再搵鋪頭做好難,但我哋呢個年紀又唔係話老到做唔到」。徐先生又指最不捨得一班街坊,笑言「佢哋都幾捧場架」,有街坊向他們提議「你哋搬去附近就最好啦,真係搵唔到舖不如喺屋企整住先」,更有不少熟客向徐先生「留電話」,望繼續支持。

徐先生指店內售賣的傳統糖水「唔同出面個啲」,笑言「食落去有人情味」,芝麻糊每日新鮮以芝麻磨製而成,與坊間以芝麻漿煮溶的做法不同 。徐先生認為做法雖然費時,但「賺少啲唔緊要,最緊要街坊啱食」,而店內糖水偏淡,「有啲老人家有糖尿病,煮得淡啲等佢哋都有得食」 。逢年過節,店內亦會售賣糕點讓街坊預訂。

IMG_0682

商戶:街坊情難以取替

洪女士在恆安街市經營雜貨店,她指建華曾與部份商戶傾談續約問題,要求有意續租的商戶先繳交入場費約5至10萬,洪女士無奈指「即係要我哋俾裝修費,但你唔俾又無得租落去」。洪女士慨嘆「好似等運到咁,我哋好被動,覺得好淒涼」,她又相信「投得返(鋪位)都要幾十萬」。

洪女士又提到宏集要求商戶需於10月9日前遷走,商戶要自行拆除店內的電線、貨架等,若商戶拒絕,便會收取數千元的「還原費」。洪女士坦言自己有數個鋪位,「還原費」近萬元,可能需要自己動手拆除。徐女士眼泛淚光,直斥宏集「無良心」,店內有很多傢俬不知如何處置,開業時買的雪櫃屬舊式電器,慨嘆「我買嗰時成千蚊,而家賣出去100蚊都唔知有無人要」。

街坊亦時有詢間續約情況,洪女士指最後若未能續租便會「出去打工」,「啲街坊可憐下我咪買多啲嘢,幫我清下貨囉」。開業廿多年,洪女士指由於非「第一手」租戶,當時交了近6萬元「頂讓費」才得以順利開鋪。話到此處,洪女士不免傷感,「嗰時6萬蚊夠我哋買層樓,而家血本無歸」,直言「諗起都流眼淚」。洪女士認為「佢哋(建華)唔愁無人租」,但商戶與街坊之間的聯繫卻難以取替,「見住啲熟客佢哋個孫出世」。

IMG_0696
民主黨區議員鄭則文

區議員:商業決定不會過問

恆安區議員民主黨鄭則文指,建華曾主動與他聯絡,而建華亦早已開始與商戶商討,然而「得一兩檔搵我,多人嚟搵我先有籌碼」。鄭指不會主動跟進街市問題,「我係唔會做建華同商戶之間嘅橋樑」,直言續約問題是商業決定。

鄭則文表示只會站在居民利益立場上考慮,關注裝修後的貨品價格。他曾受邀參觀同為建華管理的啓業邨街市及隆亨邨街市,他認為裝修後的街市較整潔,而且與恆安邨街市的物價相差不大,故相信租金加幅不大。被問及建華有否透露租金加幅,鄭回應指「無問過啦,呢啲係人哋商業秘密,都唔會同你講」。至於建華向商戶收取入場費,鄭則文指「入到去就有晒電線,整好晒成個鋪位,以前個啲街市係要自己整嘅」。鄭又指已要求建華在農曆新年前完成裝修,方便居民。

對於裝修期間為居民帶來不便,鄭則文指曾要求建華設立臨時街市,但由於售賣肉類、海鮮需要牌照,因此臨時街市只會售賣生果、蔬菜等貨品,預計正式開始裝修後(11月1日)便會入場,惟地點未定。被問到會否讓現時恆安街市商戶優先參與臨時街市,鄭回應指不會過問,認為「係建華同商戶之間嘅事」。

記者曾以電郵聯絡建華詢問恆安街市商戶續約安排一事,惟至今仍未收到回覆。

記者:李瑞裕

廣告