立即捐款

費特

生於香港,長於澳門,愛用鍵盤說三道四的自由寫作人。 fb : www.facebook.com/fredmacau 網誌

國際

全民商機

全民商機
廣告

廣告

資料圖片,來源:Healthycliff Syndor @Unsplash

澳門這個彈丸之地,其實商機處處,關鍵是你眼光夠不夠、觸角敏不敏銳。有位朱姓朋友,大家都叫他朱老闆,皆因他是典型富二代,家境富裕,畢業後仍渾渾噩噩,卻老是想開舖頭搞生意,做一個真真正正的老闆。

昨晚突然收到朱老闆的來電,叫我外出宵夜,說有大 project 要搞。到達後,朱老闆馬上入正題,「發達啦,今次真係發達啦,我終於諗到要搞書店同出版社生意,一定發!」

「唔係嘛,依家呢個年代個個都拎住電話 iPad,越來越多人睇電子書,實體書仲邊有市場?」我回應話。

朱老闆二話不說,遞上他的 iPhone X,上面顯示著一篇題為〈陳虹促進一步推動親子閱讀〉的新聞。

「又係啲無質素無實際意義的質詢。」我話。

「所以話你唔係搞生意的人,陳虹呢啲高質議員,寫一篇高質的質詢,仲易過佢講廣東話呀!你睇埋內文先,商機在細節呀!」

原來內文寫住陳虹建議政府「要引導家長重視親子閱讀,她建議當局考慮派發全民讀書券…」

「明未呀!?如果政府派全民讀書劵,男女老少都拎住張書券去書店買書,書店同出版社老闆仲唔發過豬頭?」

我都未及回應,朱老闆就繼續話:「遲啲陳虹再叫政府重視親子用膳派全民餐券,我就即刻搞餐廳;重視親子睇戲派全民戲飛,我就即刻搞戲院;重視親子旅遊派全民機票,我就即刻搞旅行社。呢啲議員咪做到嘢囉,下次選舉幾時話?我一定投佢一票!」

「陳虹係間選的,你冇得投。佢以前選過直選,但輸咗。」我糾正朱老闆。

朱老闆瞪大雙眼:「唔係嘛?咁都輸?好彩天有眼,比佢間選當選。咁佢係咩界別㗎?咁有商業頭腦,一定係商界代表啦!」

「佢係社會服務及教育界的… 」

作者 Facebook

廣告