立即捐款

政經

點解仲要更新信號系統?

點解仲要更新信號系統?
廣告

廣告

其實港鐵已經接近40年

昨日出事的港鐵路段,其係係港鐵第三段通車的路段,係荃灣綫未通車之前已經開始服務,屬「修正早期系統」的車站。當時地鐵係用人手操作,信號系雖然已經電子化,畢竟仲要靠人手揸車,不過繁忙時間2分鐘一班車的服務都實行咗40年。

點解要更新信號系統?

係港鐵搭客量不斷增加,而月台及車箱數量不能改變的情況下,應付搭客不斷上升的方式係增加班次,而增加班次的唯一方法係更換信號系統。因為改良信號系統,列車可以更快知道下一個站的情況,可以更敏捷地作出反應開出及駛進月台,使班次可以更加頻密。

其實在2017年,港鐵的載客率已經超過100%,荃灣線更高達113%,即係話港鐵以現時的班次已經不可能再增加載客量。

港鐵可以無限量增加班次嗎?

答案當然係否定,其實列車現時好多時已經唔使2分鐘一班,大家都可以察覺市區綫的列車一開出,下一班列車基本上可以緊接入站,2分鐘一班列車大部份係用於上落乘客,閂唔到門的情況。而列車自動化,減少車長錯誤亦已經大大幫助增加班次。

港鐵反映了一個社會問題

係港島北有限的面積入面,不斷發展使人流不斷增加,港鐵就要不斷加密班次及興建新鐵路黎滿足需求。不過40年前的設計係用黎滿足80年代500萬人的香港,現時人口早已超過700萬,土地已經不能再滿足人們的需求。就算填海造地,亦只會加重舊有系統的壓力,最終意外只會越來越多越來越嚴重。

改變鐵路為主的思維

係第四條過海鐵路(沙中線)遙遙無期的情況下,港府應改變路鐵為主巴士為副的思維,減少對鐵路作為集體運輸系統的依賴,從而降低港鐵出現重大事故對整個社會的影響。

規劃入手

過住政府係觀塘建立核心商業區(CBD2),其實都依靠已經鐵路作為集體運輸交通工具,問題係觀塘線同樣已經超負荷,而且仍未有新鐵路規劃在觀塘南至啟德一帶的地段,根本不適合建立新的商業區。

其實好多大機構係非傳統商業區建立大樓,例如匯豐、中銀係大角咀,Microsoft 係數碼港,政府與其建立核心商業區,不如鼓勵企業係非傳統商業區建立辦工大樓,平衡交通負荷。

最終都係人口問題

無咁多人,咪無咁大負荷。其實回歸後不顧一切輸入人口已經係不同地方顯示問題,一日唔控制人口,問題只會越黎越大。

其實我同意馬時亨話「港鐵全世界都讚,得香港人鬧我吔」,問題係港鐵早已遠超負荷,仲要不斷加重負擔,要鬧的唔單只係港鐵,係整個香港政府。

廣告