多謝大家關心慰問，我被捕後已保釋。
今日係五一勞動節，
香港勞工權益一向缺乏，武肺瘟疫之下，
政府所謂抗疫措施對廣大打工仔女無助，基層勞工受害尤甚。
每年五一勞動節，職工盟都有大遊行，勞工發聲，爭取合理權利。
今年有武肺瘟疫，勞動節遊行化為遍地開花街站。
而工黨及社民連亦要在今日，反映打工仔女水深火熱下的訴求，舉行一個蚊型示威。
工黨及社民連示威代表合共8人，早已預定每4人分為兩批，兩批代表保持相當距離。
但警方選擇性執法，肆意打壓，指示威人士有共同目的聚集，超出4人上限。
咁，佛誕祈福呢？太平清醮呢？參加市民唔係懷有祈求驅走瘟疫嘅共同目的嗎？
我參與工運多年，對於勞動節意義極之重視，
而武肺瘟疫爆發以來，在社區不斷收到街坊打工仔女嘅慘痛求助，
今日勞動節，工黨及社民連合理示威，天經地義，何罪之有？
我絕不接受警方以防疫為藉口票控，警方拘捕我，只顯示林鄭政權冷血不仁！
政權有心防疫，唔一早封關？點解要逼醫護工會罷工呢？
政權有心防疫，點解抗疫措施又遲又冇效呢？
政權有心防疫，點解連勞動節正日，咁少人嘅示威嘅意見都唔聽，更加要打壓呢？
拉咗我，亦鎖不住勞動節訴求！