昨日上庭兼逢一篇訪問刊出，難免讓大家感到擔心。沒錯，我沒有掩飾自己的苦，有些故事也是積藏心裡甚久直到最近才想說的說話。不過那些內容是有背後想說的信息，這裡稍為補充一下。
直到今日我才敢說讀博士前一些應聘講師的小風波，只是因為計算過講不講對於日後應徵都沒有甚麼分別了。換句話說，如果還玩應聘遊戲，係唔應該講出口，人地唔會想請「麻煩」的人。所以世界永遠不必然受害就有渠道求助，左膠如我，去到這些遭遇都會計算日後職場處境，為左下份工會吞左件事，外邊的人理所當然預設「搵工會」亦唔必然發生的，夠諷刺吧。正如以前做議員幫過的老師一樣，好多最後只能檯底處理，甚至幫不到，到自身出現問題，不翻出來，也會在沉默中滅亡。
所以除非自己出文上有很強的實績，直到跨越政治、標籤，否則我不認為能重回教書的路。而且每個幫過我求情的長輩親友，我十分感激，不是沒有的，不用擔心。就算不能也無意埋怨，只有感激，每個人難處自知。只是兩件事都只帶出一點，面對住無盡的控告，勿論判案本身，社會早就有無形的壓力壓碎你正常的事業。我尚且如此，其他人想必亦有各種難關，不是單單請手足可以說完故事。
－－－
面對困境亦都唔想靠人，的確唔會幫到咩的，要重新立足，首先要重新建立基礎。與其看我「賣慘」，大家應該想看我怎樣努力面對吧，新年前後這半個月，我也不斷嘗試幾條路：
1. 因為自己鍾意飲酒，細細個睇《賣桔者言》又上曬腦，所以係短短的留日時間，同Goodlife研究左一陣小規模入清酒的路。今日佢地入的清酒，係精挑細選的結果。
酒係好有趣的貨品，唔同品牌同釀造都可以相當「異質」，消費者唔容易掌握足夠信息買到合宜的貨，sake 就更加難經時間考驗，有D又要冷藏，製造年月過一年之前，你就應該飲左佢，唔係就開始變質。價格波動又大，當擺得耐就越考驗價格分歧（Price discrimination）的本事，所以你會見到百貨公司清貨折讓，同過年賣年花，頗有點殊途同歸吧。
所以作為小規模、小客路、小實驗，我只能循兩個理念入貨：
1) 追新鮮：我飲咁耐，其實咩精米步合山廢菩提酛，唔新鮮就乜都假。有限的商業規模下，新鮮、快買快賣係保持競爭力的唯一之路；
2) 品牌 vs 香港貨: 小網店要同大商號鬥，入埋一樣貨就唔夠人規模經濟壓低成本，又無零售店方便，所以要迴避香港賣緊的貨（eg：獺祭、十四代）；但又唔能夠入得太冷門，唔會有人識，一些較有名氣的品牌都係有需要。 於是乎入左幾間品牌的限量品或特別貨，希望係信息（商品大眾化程度）同商品的特別性之間，取得平衡。
初期只係入左幾箱貨，賣完就要重新入過，如果大家想買，歡迎大家去選購。
以前選過批發及零售界，但只局限於細細個幫家人，所以成日自嘲自己偽零售界，真係落手落腳規劃，今次係第一次。亦都知好多酒圈朋友會望住，我自知酒類知識一定不及前輩同業內人士，所以還請高手多多提點。（想係度多謝埋畢明 budming比意見）
2. Pateron今後的文章，將會繼續圍繞日本而寫，呢排一路嘗試不同的題目試返應，食物系列會係新年後繼續推出…最新係進攻腐的市場
－－－
現在最好的比喻就彷如得了癌症。你不知道自己何時突然死（失去自由），但你會不會放棄治療？我不會，這陣子反而更珍惜生命，更珍惜讀書的日子，更珍惜和身邊不同的人好好生活。
不會話自己OK，萬一不幸入獄，千祈唔好同我出咩post話適應左或者過得到。周庭都無OK過，好多人亦然，全部人呢段日子都好難過。就算沒那麼極端，見到譚文豪做一日三餐訓身做，只讓我明白從來只能靠自己努力，才能頂天立地做人。無論幾艱難，只願努力摸索一條可以活下去的路。