九龍城公務員合作社重建計劃有兩次諮詢，居民的反對意見高達75%，遠遠超越其他唐樓的重建計劃。然而，香港有《土地收回條例》，使市建局有龐大權力強行收回土地重建，故即使市建局收到的反對聲音有多大，理論上仍然可以強行收回土地進行重建。李uncle與Cecilia兩父女卻認為，他們仍然可爭取擱置計劃，「今次遇到唔同意意見嘅比例比較大，我就唔知佢敢唔敢用條《土地收回條例》。如果人多表達意見，佢就未必夠膽亂嚟。」
Cecilia認為，市建局需要重新考慮有關計劃，「『美善同村』30個合作社，400幾戶（當中）有百幾二百戶（實際數字是約300戶）願意簽署聯署，已經好犀利、好團結。」，「市建局收唔收得到呢一度，係要睇街坊有幾團結，如果好多街坊反對人數較多，收回土地條例未必會用。」
「我唔係好相信特區政府會用強拆手段對付呢400幾戶公務員或老街坊，如果真係做嘅話我諗個輿論會好犀利，點樣叫人效忠你呢？趕盡殺絕！」黃小姐不相信政府會用《土地收回條例》趕走他們，她亦指他們必定會嘗試抵抗重建計劃，「唔可以佢話點就點，儘管我哋知道呢個政府係可以打橫嚟行，但係我哋要比人民睇到呢個政府係點樣嘅面目。」
葉先生亦認為政府不可橫蠻無忌，「唔可以你話點就點，我哋都有適當嘅渠道反映返（反對意見）。當然到最後，盡可能幾十年之後我哋已經『功成身去』，但我哋都會繼續爭取」
李uncle與葉先生認為唯獨是九龍城公務員樓重建，與附近各鐵路路綫將落成有關（有關資料在第一篇提及），「從來無一個區咁集中攞嚟起公務員合作社，點解今次（重建）會揀到我地呢？我諗係條鐵路作怪，因為回報相當高，市建局做法鳳凰無寶不落。」
「最主要係拆咗呢兩條街係好可惜，呢一個小區嘅狀況第二度搵唔到，估計純粹將來有個地鐵上蓋嘅效應，如果唔係唔會有人以公務員合作社作為（重建）目標。因為有地鐵站嘅誘因先會留意我哋呢一個地方，要拆嘅話大把地，下面榮光街大把都未拆。」
李uncle苦笑，「『原址原大』都唔係考慮合作社第一代人嘅利益㗎喇，因為都可能『無眼睇』，係考慮下一代嘅利益，有啲四代係度住。」
李uncle指為重建計劃爭取到底，不是考慮他們第一代人的利益，是為下一代着想。（照片由受訪者提供）
市建局預計2022年5月會向公務員合作社居民「出價」，「出價」後60天內，居民必須回覆市建局是否接受賠償，若果不接受的話，賠償價格便會一直下降。市建局行政總監韋志成曾指九龍城公務員合作社的重建計劃會進行相對較緩慢。
後記：
與此同時，訪問後約一個月，2021年2月26日，市建局刊憲，再次引用《土地收回條例》於九龍城區進行「土收」，即強制收回榮光街與崇安街發展項目，有關土地將於三個月後，即5月26日正式成為政府官地。榮光街與崇安街發展項目屬土瓜灣「車房街重建」，可見九龍城重建正進行得如火如荼。這個香港老區即將在數年內出現翻天覆地的變化，在時代與發展的巨輪下，九龍城區的時間流逝日月如流，變得逝水韶華。
本文為九龍城區議會贊助，社區新聞工作坊學員作品。