我都參加過幾屆文學節活動，7月3日錄影力量和字花合辦的「詩．人．光影」，我也是其中一個參與的創作人，但係今場藝發局的姐姐和圖書館的工作人員都同平日有些不同，現節錄現場所見的一些情景：

〔情景一〕

那時我正在看圖書館有關今年文學節各個活動日子的展板，聽到坐在梳化上的兩名藝發局姐姐的對話：
ａ：佢地而家都係練緊民歌，好似都未到齊
ｂ：咁我地等佢地ｒｅｈｅｒｓａｌ先睇啦
ａ：可能都無ｒｅｈｅｒｓａｌ，都係一陣間開場先至入去睇
ｂ：佢地都係驚ｄ唔知咩，我地睇實啦
然後，一個藝發局姐姐行過去ｃｏｕｎｔｅｒ度，問錄影力量的工作人員拿了本書仔（應該係一本全場都無派過的錄影力量出版物）

〔情景二〕

當我正想去洗手間的時候，見到三個圖書館的管理員／實ｑ拿住對講機，圍圈傾緊野，其中有兩個男的在說話：
甲：一陣間我地都係睇住個電視，睇下佢地搞咩啦
乙：但係佢地裡面熄晒燈喎
甲：咁我地都會睇到，有咩唔妥囉，咪入去囉

〔情景三〕

當時，差唔多開始，我在ｃｏｕｎｔｅｒ前面行行企企，見到有個藝發局的姐姐捉住錄影力量的維怡傾。當時藝發局姐姐指住場刊裡面的關於利東街的紙：
藝發局姐姐：呢張紙可唔可以唔好攝響場刊裡面，場地話呢ｄ時事，同文學節無關喎
維怡：ｏ下？我地今次講文學從生活出發丫嘛，咁我地咪從生活出發囉
藝發局姐姐：我明白，我都好支持創作自由，但係呢ｄ時事，場地個邊覺得唔係幾得呢。我之後都重有幾場其他團體搞的交流會，如果佢地場場都咁落黎睇，會搞到我都好煩
維怡：咁你不如直接ｄ，話呢ｄ佢地敏感野，佢地唔想講啦。一係咁啦，等我親自同佢ｄｅａｌ，咁咪唔會麻煩到你地囉
然後，維怡去了找場地的負責人陳小姐ｄｅａｌ，之後我問維怡，佢地講咩野。
維怡：無喎。佢地話佢地無問題喎，係另一個ｐａｒｔｙ喎。