話說94年我仲係大學三年級......響中大讀緊哲學。當時有科叫做唔知咩,係由『西人』Dr.Allinson任教。話說『西人』響系內一直地位唔高,個個師兄都話佢無料到(我就唔知係唔係發揮排外心態啦,定係根本大家英語水平太差,都聽唔明佢講野),但係呢科就好好『碌』。
而果年,我上學期就比某系內思方大師整,肥左。於是就慕名而至......
同期參加呢項壯舉仲有幾位同學(都係中大暫取生入大學)。
而Dr.Allison為人風趣,用既英文都簡單而易明(大佬,講哲學要用簡單英文!!!!!),但係班上上堂既同學,就只有3,4個聽得明。大部份人,根本就唔知呢位紅鬚綠眼響度吹咩。結果到尾,大家咪又係求其交篇雞腸,亂吹了事。DR.仲very nice同我講,明白同學英語唔係母語,有時文章寫得唔係咁好,係有理由。
我仲記得,當年教我elt有位西婦,有次同我傾計,都好奇怪點解大部份中大學生連篇論文都寫唔好,佢用左成個學期教我地來自各系既人。要記住自己去收得elt,都係有心人,但係佢既comment竟然係,中大學生既英文水平都好差下。
我講咁多,都係想話,除左語文能力,不如先教下班學生點樣寫篇似樣既文章,點樣諗野,點樣做人。用中文都未做到呢幾樣,仲話用英文?有d野,唔係夾硬就ok。
唔好講話咩中大精神,最實際既係,叫班學生點算?