媒體

高官講得,點解船頭尺唔講得?

廣告

廣告

大家先睇今日林忌響蘋果日報論壇版寫呢段野先:

「無 論 是 唐 英 年 談 彭 定 康 「 拍 拍 籮 柚 就 走 去 , 然 後 香 港 衰 足 七 年 」 , 抑 或 李 國 章 論 陸 鴻 基 「 拍 拍 屁 股 就 走 , 整 到 滿 城 風 雨 」 ; 難 得 兩 位 高 官 臭 味 相 投 , 曾 特 首 老 懷 安 慰 , 卻 難 為 了 電 視 機 旁 邊 的 觀 眾 ; 一 家 大 細 邊 看 新 聞 邊 吃 飯 , 剛 聽 罷 了 港 股 , 忽 然 來 了 個 屁 股 , 實 在 掃 興 之 至 ; 廣 管 局 要 求 刪 改 「 秋 天 的 童 話 」 的 對 白 時 , 可 有 勸 喻 高 官 勿 用 詞 不 雅 ?」

無錯,無理由船頭尺唔講得佢招牌特色的粗俗對白,而唐英年、李國章這一眾膠人在黃金時間大講屁股,甚至籮柚,廣管局唔駛勸諭佢地的。大家實行一人一信,向廣管局投訴唐英年和李國章用詞不雅,粗俗。記得一樣野,所有投訴信除左俾馮華健,仲要cc copy俾X光社,我想知X光社打算點做。

稍後會有sample投訴信俾大家,但唔用sample自己send會更好,我地唔係X光社,自己友gen二千幾封一式一樣的信撐馮華健。呢份係我同我朋友第一份俾廣管局膠人的新年大禮,之後仲有好玩禮物,實行玩到初九。

廣告