睇到頭擰擰的報導
週日, 2005-06-26 02:58 — 黃世澤
中大評議會選舉終於落幕，結果當然一如所料落選。這不用生神仙，稍有點常識都會猜到。
不過《蘋果日報》「隔牆有耳」關於評議會那段報導，看得小弟頭擰擰，頭擰擰部分如下：
1. 相片指我和殷巧兒激辯中，事實上，我正同她傾緊閒偈，閒偈變鬧交，絕！
2. 個記者可以將整個評議會過程，只是重點突出有校友問「黑箱作業」那部分，然後加上其他部分東拼西湊都居然可以成報導，厲害。
本來，隔牆有耳的東西，不可以太認真看待。但作為八卦版的讀者，睇完真係頭都擰埋。我相信不論輩份的校友，都不得不有同感。
似乎我應該找人幫我做做頸部移位的工作。
搜尋
回應
老蘋轉載比較寬，用於討論無問題
是故，將全文貼o係度，免得大家摷唔到：
東亞副行政總裁兼中大校友彭玉榮早前o係一個討論中大國際化研討會，用「永不錄用黑名單」威嚇中大生一事餘波未了，事件重演變成年輕一輩同年長一輩校友o既內訌。噚日中大評議會舉行會員大會，○○年畢業生黃世澤參加常委選舉，有校友講聽過佢話評議會係「黑箱作業」，問佢點解重要參選。黃世澤就話：「評議會的確o係中大國際化o既問題上黑箱作業……」做o左十幾年常委o既汪長智即刻怒髮衝冠：「邊個話評議會係黑箱作業？直頭係侮辱！」之後佢o係會上呼籲o的校友「唔好講發洩性說話」。另一校友葉國洪亦都反擊，話彭玉榮同中大生起爭執，事後都有道歉，o的學生反而冇，「唔好似紅衛兵咁，『造反有理』！」雖然有o的年輕校友支持黃世澤，但佢得罪o左佔大多數o既前輩，最後梗係落選啦。
而caption就係：
畢o左業五年黃世澤（左）噚日同一班中大前輩校友舌戰。
另，個人小評：
http://eric-spanner.blogspot.com/2005/06/2005.html