賣領匯搞到民不聊生、人工低兼工種零散化；
政府唔夠競爭力，大學學額偏偏廿年冇加過，副學位搵笨就話之你；
年青人苦無出路，仲要負學債和養家責任；
政府財政有盈餘時就零前瞻改革視野，一味以派糖攏絡民心；
到金融海嘯席捲全球，政府又係救市唔救人；
香港榮登亞洲區貧富懸殊最嚴重城市，天價樓盤繼續炒，中下層市民齊齊望天打卦；
一個反高鐵運動突顯管治多重問題，政府一於標籤參與抗爭的市民作暴民了事……

一日冇民主，以上社會問題一日都未‧解‧決。

幾年前政府同保皇黨仲可以聯手以「經濟」、「民生」為名，拖慢民主改革步伐；
今時今日，人民已認清了政制的結構性不公義令到問題加劇：
被功能組別所代表的工商界利益集團壟斷的議會，自然維護官商勾結現狀，自然阻礙利民政策通過，自然不須顧社會長遠發展願景和本土需要……

我地仲要忍到幾時？

三月廿八號，請呼朋喚友，齊齊來遊行，踢走功能組別、打倒不公義議會、企硬2012雙普選！！！

日期：三月二十八日（日）

時間：下午2:30集合

遊行路線：港大黃克競平台國殤之柱集合->中聯辦->政府總部

（註：不便前往港大集合的參加者可在15:00於西區警署前與遊行隊伍會合）