21/2 港大
李柱銘、陳文敏質疑修訂逃犯條例
李柱銘：因為台灣慘案，允許押人返大陸係「借刀殺人」
陳文敏：係專登架，唔係漏洞
＊ ＊ ＊
港大通識教育邀請李柱銘、陳文敏、李浩然討論憲政與一國兩制。會後李柱銘和陳文敏先後受訪，皆質疑政府擬刪除《逃犯條例》不適用於中國的限制。
李柱銘接受記者提問，解釋中港沒簽引渡協議，乃因在前途談判，雙方都理解兩地法制完全不同，「一國兩制呀嘛，分開香港人先安心」。當年內地的法律專家亦同意，即使將來香港屬於中國，引渡犯人的安排仍可區別。
「回歸前回歸後，香港政府都冇同內地政府達成協議，守得好穩。」李批評政府因台灣發生慘案，借故接受引渡犯人返大陸，有點「借刀殺人」的味道。
＊ ＊ ＊
陳文敏接受筆者提問，回顧歷史淵源，解釋中港沒有引渡協議絕非偶然，而且是故意為之。
97 前香港乃通過英國，與各國締結引渡安排，協定本隨主權移交一併取消。但國際金融中心必須面對洗黑錢的風險，引渡協議對金融地位非常重要。
當年香港與各國商討協議能否延續，各國均疑慮 97 後香港會否押人返大陸。
「港英政府用左好大氣力游說西方國家，唔會咁做，因為香港同中國有唔同制度，亦唔會有移送安排。」
「係專登架，唔係漏洞。人地咁先肯同我地簽協議。」
陳舉 98 年的張子強案為例，嫌犯的主要罪行在香港進行，但張在大陸落網，中國政府認為涉案軍火在大陸購買，先行審訊，隨即處決。當時兩地政府亦曾磋商應否審視引渡安排，「傾左二十年都傾唔掂。」
而且與中國簽署引渡協議的國家不多。西方國家計有西班牙、葡萄牙、意大利、法國。協議都有但書，拒絕死刑犯、政治犯。
陳文敏直言：「大陸嘅長期拘禁、閉門聆訊、冇律師代表、冇家人接觸，比比皆是」，不足以取信世界有公平審訊，香港亦須抱同樣的擔心。
「如果傾得掂二十年內已經傾左。。。唔應該用走後門嘅方式去做。」