【獨媒報導】政府現正進行《基本法》第23條立法公眾諮詢,新民黨立法會議員、前保安局局長黎棟國大讚諮詢文件寫得相當好,而且字眼精準。對於立法建議訂立「竊取國家機密」罪,黎棟國就認為,一般普通市民接觸國家機密的機會不大:「會唔會你行街,見到幾張紙飛吓飛吓,寫住高度機密?無可能㗎!」
黎棟國今早接受商台節目《在晴朗的一天出發》訪問,談到國家機密及秘密的定義。他指並非所有秘密均屬「國家秘密」,認為諮詢文件內容非常清晰,如要洩露便要先獲悉,所以文件亦列明非法獲取、非法管有、非法披露才屬違法。
黎棟國:公眾利益作辯解屬平衡考慮
主持問到,如傳媒引述消息作報道:「中央或者內地2萬億救市喎,呢個算唔算係一個秘密呢?」黎棟國認為,要基於是否明確知悉事實、文件內容才屬觸犯法例:「你睇到邊一嚿社交媒體掉出嚟嘅,你見到得意你就寫,你睇到有啲咩情況底下見到有啲咁嘅嘢。你知唔知嗰啲係?你唔知呀嘛!」




